Isaiah 34:2 - Tedim Bible

² Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a simang dingin amaute koihin, thah dingin a pia khinta hi.

Tedim Bible Revision 2017

² Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a si mang dingin amaute koihin, thah dingin a pia khinta hi.

Isaiah 34:2 Referans Kwoze

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kangtum ding hi.

Zekhariah 14:3

Tua ciangin Topa hong kuankhia ding a, a beisa hunah a sim ngei bangin hih minam dangte hong sim ding hi.

Isaiah 30:25

Na galte uh’ tausangte pukin mi tampi a sih ni-in, mual sang le mual neute tung khempeuhah luitui luang ding hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Mangmuhna 20:9

Leitung khempeuhah amaute pai uh a, Pasian’ mi siangtho omna mun le Pasian in a it khuapi umcih uh hi. Ahi zongin vantung panin meikuang hong paisukin amaute a kangtum hi.

ROM (Romans) 1:18

Mihingte in a mawhna le a gitlohna hangun Pasian’ thuman seelcip uh ahih manin van panin a hehna hong kilang sakin a gimpiakna dingzia hong kilangsak hi.

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Isaiah 13:6

Topa’ ni hong naita ahih manin nakpitakin kap un. Vanglianpa’ kiang panin suksiatna hong tung ta ding hi.

Isaiah 26:20

Ka mite aw, hong pai-in na innsung uhah tum unla, na kongte uh khak un. Hehna a dam matengin tawlkhat sung bu un.

Isaiah 61:2

Topa in a mite honkhia-in, a galte a guallelhsak ding hun a tunna thu a gen ding, a thum mi khempeuh a hehnem ding,

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amaute’ sisan leilakah ka thehthang hi.

Isaiah 65:12

namsau tawh a si dingin ka hong seh ding a, hong that dingte’ mai-ah na ngawng uh na dawh ding uh hi. Bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu man loh ding mah na utzaw uh a, a sia na gamta uh hi.

Isaiah 66:14

Hih thu a hong piang na muh uh ciangin na lungdam ding uh hi. Note hong thahatsakin hong cidamsak ding hi. Tua ciangin ka thu hong mangte ka huhna, ka galte tungah ka hehna ka lahna thu na thei ding uh hi, ci hi.

Jeremiah 25:32

“Vanglian Topa in a cihin-ah: En un, gam khat pan gam khatah siatna a paipai hi. Leitung a gamla pen mun panin huihpi hong nung hi.

Jeremiah 25:33

“Tua ni-a Topa’ thahlup mite’ luanghawmte leimong khat panin mong khat dongah a kithehthang ding uh hi. Amaute kuamah in a kah kei ding uh a, kikaikhawm loin, kiphum lo ding uh ahih manin leilakah ek nusiatin a kinusia ding uh hi.

Paikhiatna 8:14

Amaute in a lomlomin tuate khawm uh a, gam sung teng uih hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading le hehpihna ngah loin a kibeisak theih nadingin Israel-te a do nadingin a lungsim uh a khauhsak pa pen Topa ahi hi.

Late 2:5

Tua ciangin hehna tawh amau kiangah thu gen ding a, hehluat mahmahna tawh amaute linglawng sakin,

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thu khen ding a, Topa in a thah mite tam mahmah ding hi.

Jeremiah 25:31

A awging, leimong dongah kithawn ding hi; bang hang hiam cih leh gamte’ langkhatah Topa pang hi. Amah in mi khempeuh thu sit ding a, namsau tawh migilote a thatlum ding hi, Topa in ci hi,’ na ci ding hi.

Ezekiel 36:5

“Topa Pasian ahi keimah in a kimkotah a om minam dangte, le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.