Isaiah 34:1 - Tedim Bible

¹ Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Tedim Bible Revision 2017

¹ Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Isaiah 34:1 Referans Kwoze

1 KORIN MASA 10:26

Bang hang hiam cih leh Lai Siangtho in, “Leitung le a sungah a om khempeuh pen Topa a’ ahi hi,” na ci hi.

Isaiah 43:9

Minamte khempeuh kikaikhawmsak unla, mihingte kikhawmsak un. Amaute’ lak panin kua in hih thu hong genkhia thei-in, a beisa huna nate kua in laktel thei ahi hiam? Amau’ dikna a langsak dingin a tecite uh hong paipihsak unla, amaute a thu zasakin, man mah hi, cisak un.

Isaiah 41:1

Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.

Jeremiah 22:29

Aw ka gam, ka gam aw, Topa’ kammal ngai dih ve’n!

Isaiah 33:13

Gamlapi-a a om mite aw, ka sepna thu za un. A nai-a a om mite aw, ka vangliatna thei un.

Thu-hilhkikna 32:1

“Vantungte aw, ngai un, thu kong gen ding hi. Ka thugente leitung in za hen.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.

Isaiah 49:1

Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 18:3

Leitung a teng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Late 96:10

Minam khempeuh lakah thu gen kawikawi unla, “Topa in uk hi. Leitung kikipsak a, kiling ngei lo ding hi. Amah in mihingte’ thu a manin khen ding hi,” ci un.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

Late 24:1

Leitung le a tunga omte, leitung le a tunga tengte Topa-a’ ahi hi.

Thukhente 5:31

“Tua ahih ciangin na gal khempeuh si khin uh hi, Topa! Ahih hangin na lawmte pen a vangliatna tawh a suak ni bang ta hen,” a ci uh hi. Tua ciangin tua gam in kum sawmli sung tawlngakna hun a nei hi.

Thukhente 5:3

Ngai un, kumpite aw, na bil uh ngat un, uliante aw. Topa tungah la ka sa ding a, Israel-te’ Pasian, Topa’ tungah la ngaih ka sa ding hi.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Piancilna 6:13

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitungah ngongtatna kidim hi. En in, leitung tawh amaute ka susia khawm ding hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasem Israel kamsangte tungtawnin, sawtpek lai-in ka gengen niloh mipa pen nang na hi hi. Hih thu Topa Pasian in gen khinzo hi.

Obadiah 1:1

Obadiah’ genkholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawlzo a, “Kithawi un! Edom mite a simgawp dingin kuankhia ni,” a cihna thu ka zazo hi.

Isaiah 63:1

Edom gam, Bozrah khua panin puan ausan silhin a hong pai, a puansilhna-ah minthanna mel nei-in, ama thahatna tawh a hong pai pa kua ahi hiam? A honkhiazo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Jeremiah 49:7

Edom gam tawh kisai-in Vanglian Topa in a genin-ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh beita ahi hiam?