Isaiah 32:9 - Tedim Bible

⁹ Nuamtakin a om hithiat numeite aw, tho unla, ka aw za un. Nomau’ tumtakin a lungkim tanute aw, ka thugenna na ngai un.

Tedim Bible Revision 2017

⁹ Nuam takin a om hithiat numeite aw, tho unla, ka aw za un. Nomauʼ tumtakin a lungkim tanute aw, ka thugenna na ngai un.

Isaiah 32:9 Referans Kwoze

Mattiu 13:9

“Zak nading bil a neite in hih thu na za ta un,” ci-in Jesuh in a thugen a khum hi.

Isaiah 28:23

Na bil uh hong ngat unla, ka aw hong za un. Ngai unla, ka thugenna hong za un.

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Zefaniah 2:15

A vangliatna a kisaktheihpih, lungmuang takin a om khuapi, tu-a bangin piang ding hi. Leitungah amau’ khuapi a lian penin ngaihsun uh hi. Tua hinapi-in gamlak suakin, gamsate’ omna suak ta hi. A mu mi khempeuh in lamdang sa-in kigaih ding uh hi.

Kah la 4:5

An lim pen a ne ngeite kongzing lakah puksi uh a, nuamsa-in a khangkhia mite in ninbuakna lak thai-in an a zong uh hi.

Thukhente 9:7

Jotham kiangah tua thu a kigen ciangin amah pai-in Gerizim Mual dawnah ding a, nakpi-in kiko-in amaute kiangah, “No Shekhem mite aw, Pasian in note’ thu hong ngaih theih nadingin ka thu hong ngai un.

Thu-hilhkikna 28:56

Note lakah a om a ngeksuak, a cithei pen numei, amah ngekin a ci neel lua ahih manin a khenuai tawh lei sik ding a ngaihsun ngei vet lo nu in a it a pasal, a tanute le a tapate a dingin ama sung panin a piang a tate le ama sung panin a paikhia a nau-nungzuite phal lo ding hi. Bang hang hiam cih leh hong umcihna le na galte un na khuapite uhah note hong lungkhamsak nading lungkhamna sungah bangmah neih lohna hangin amah in tuate nesim ding hi.

Late 123:4

A ututin a gamta mite in kote a hong zahkona, a kiphasak mite in hong simmawh bawlna hangin ka gimthuakna uh sauvei lua khinta hi.

Jeremiah 9:20

Tua ciangin keimah in, “No numeite aw, Topa’ kammal ngai dih un. A kam pana hong gingkhia thu na bil uhah lutsak un. Na tanute uh a kah dan ding hilh unla, na inn vengte ciat uh kah la hilh un.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.