Isaiah 32:6 - Tedim Bible

⁶ Bang hang hiam cih leh mihai in haina thu gen a, a hoihin gamtat loh ding, Topa’ thu a hoih lopi-in gen ding, a gilkialte’ an duhna a phat loh nading le a dangtakte in tui dawn ding a neih theih loh nadingin, ama lungsim in mawhna bawl ding a sawm hi.

Tedim Bible Revision 2017

⁶ Bang hang hiam cih leh mihai in haina thu gen a, a hoihin gamtat loh ding, Topa’ thu a hoih lopi-in gen ding, a gilkialteʼ an duhna a phat loh nading le a dangtakte in tui dawn ding a neih theih loh nadingin, ama lungsim in mawhna bawl ding a sawm hi.

Isaiah 32:6 Referans Kwoze

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktakna, zuau genna, mi gensiatna, le ngaihsut hoih lo a tuamtuam hong piangkhia hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

1 SAMUEL MASA 24:13

Tang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut tawh nang kong hih kei ding hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Amos 8:6

Khedap bu khat man dingin mizawngte sila-in i zuak nuam a, i mangbuh hoih lote sum tampi i khawng nuam hi,” na ci uh hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Paunak 19:3

Mi pawlkhat in amau’ haitatna hangin gimna a ngah hinapi-in Topa ngawhin mawk heh uh hi.

Late 141:4

Mawh bawlnopna lungsim hong neisak kei inla, a gilo mite tawh hong kikhawlsak kei in. Amau’ anlimte hong duhgawh sak kei ta in.

Paunak 24:7

Pil kampauna pen mihaite’ theihzawh dingin thuk lua mahmah a, mihaite in mihon lakah thu gen ngam lo uh hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Isaiah 26:10

Migilote tungah nangmah na migit hangin a manin gamtat ding theithei tuan lo uh a, lungsim thutang mite’ gam sungah amaute in khialhna bawllai veve uh hi. Amaute in Topa’ minliatna hong phawk nuam lo uh hi.

Isaiah 31:2

Ahih hangin amah pilin gimna tungsak a, thu a gensate dokkik loin, siatna a bawl mite le mawhna nasep a seppihte gim a pia hi.

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uhah siatna vive om kawikawi hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuauthu vive ahi hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Ezekiel 34:18

Note pawlkhat, lopa limci na nek bek uh tawh na lungkim kei uh a, na nek lohte nangawn uh na tuancilgawp uh hi. Tui a siang na dawn uh a, na dawn lohteng uh na siknin uh hi.