Isaiah 32:2 - Tedim Bible

² Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Tedim Bible Revision 2017

² Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Isaiah 32:2 Referans Kwoze

Isaiah 25:4

Bang hang hiam cih leh nang pen mizawngte a dingin munmuanhuai, a cimawh mite a dingin a lungkhamna uhah munmuanhuai, huihpi panin bukna le nisa panin niliim na hi hi. Bang hang hiam cih leh thukhual lo mite’ hihna pen huihpi in kulh a nawkgawp tawh kibang a,

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 43:20

Gamsate, ngiate, le vasa-kalaohte in kei hong pahtawi ding uh hi. Bang hang hiam cih leh keima a dingin ka piansak mite in keimah hong phatna a genkhiat theih nadingun, keima teel mite’ dawn dingin gamlakah tui pia-in, sehnel gam sungah gun ka luangsak hi.

Isaiah 41:18

Bangmah a om lohna a sangna munte panin gunte ka luangsak ding a, kuamte’ laizangah tuikhukte ka omsak ding hi. Sehnel gam pen bualtui ka suaksak ding a, lei keuna mun pen ciktui ka suaksak ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Late 143:9

Topa aw, ka langte’ kiang panin kei hong honkhia in. Nangmah a bel dingin ka hong tai hi.

Mangmuhna 22:1

Tua ciangin vantungmi in Pasian le Tuuno tokhom panin a hong luangkhia, kristal suangmanpha bangin a tee selsel gun tui hong lak a,

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesuh dingin nakpitakin kiko a, “A dangtak na om uhleh ka kiangah hong pai unla tui hong dawn un.

Isaiah 28:17

Keimah in thutang pen khaukhai bangin ka bawl ding a, thuman pen khaukhai sikbawk bangin ka bawl ding hi. Gial in na zuau buk uh dengkhia ding a, tui in na bukna mun uh susia ding hi,” ci hi.

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

Late 32:7

Nang pen kei a dingin ka bukna mun na hi a, haksatna pan kei hong kemin hotkhiatna kicing nong pia hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Isaiah 16:3

Amaute in Judah mite kiangah, “Kote tungah thuhoih hong lak unla, thutangin hong gamta un. Sunkim laitak a singliim bangin kote hong liah un. A kihawlkhia kote hong seel unla, galtai kote hong heek kei un.

Isaiah 43:19

Tu-in a thak na khat ka bawl a, tu-in hong piangkhia hi. Note in thei lo na hi uh hiam? Gamlakah lam lianpi khat ka bawl ding a, sehnel gam sungah gunte ka luangsak ding hi.

Jeremiah 33:14

“En un, Topa in kong cihin-ah: Israel mite le Judah mite tungah ka khapsa thu ka tangtunsak hun hong tung ding hi.

Kah la 4:20

Amaute in galte’ khutsung panin a hong huhzo dingin ka up uh, Pasian’ teel a muanhuai kumpi a hong matsak uh hi.