Isaiah 32:1 - Tedim Bible

¹ En un, ni khat ni ciangin thuman takin kumpi khat in hong uk ding a, uliante in thutang tawh hong uk ding uh hi.

Tedim Bible Revision 2017

¹ En un, ni khat ni ciangin thuman takin kumpi khat in hong uk dinga, uliante in thutang tawh hong uk ding uh hi.

Isaiah 32:1 Referans Kwoze

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesuh Khrih hangin Pasian’ hehpihna thahat zaw lai a, mihoihin hong sangin nuntak tawntungna sung a hong tunpih hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Ezekiel 37:24

Ka nasempa David pen amaute’ kumpi hi ding a, mi khat’ ukna nuai-ah amaute kigawmin, ka thukhamte hoihtakin zui ding uh hi.

Isaiah 28:6

Thukhenin a tupa tungah thutang lungsim guan ding a, khuapikulh hong luh galte a notkhia ding mite tungah hanna lungsim guan ding hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Late 99:4

Thutang a deih, Vanglian Kumpipa aw, nangmah in thuman na phut khin a, Israel-te sungah thutang le thuman na semkhia hi.

Late 45:1

Thubul hoih khat tawh ka lungsim hong dimletin, kumpipa la ka phuah a, ka leii pen laithei pa’ laikung tawh hong kibang hi.

Isaiah 4:6

Tua minthanna vang pen sun ciangin nisa a liah ding le huihpi guahpi panin bukna le belhna zong hi ding hi.

Isaiah 11:5

Amah in thuman le thutak tawh ama mite uk ding hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin thu a khen mipa pen David’ buk sunga om tua tokhom tungah thuman tawh tu ding hi,” a ci uh hi.

Jeremiah 33:14

“En un, Topa in kong cihin-ah: Israel mite le Judah mite tungah ka khapsa thu ka tangtunsak hun hong tung ding hi.

Isaiah 33:5

A sangna munah teng ahih manin Topa kipahtawi hi. Amah in thutang le thuman tawh Jerusalem dimsak ding hi.