Isaiah 30:1 - Tedim Bible

^1-2 Topa in, “Kei’ ngimna hilopi-in thu vaihawmna a semkhia, kei’ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a bel ding le Egypt’ liahna a zong dingin Egypt gamah paisuk dingin a kuankhia, a lehdo mite in gimna ngah tahen.

Tedim Bible Revision 2017

^1-2 Topa in, “Keiʼ ngimna hi lopi-in thu vaihawmna a sem khia, keiʼ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faroʼ hutna sung a beel ding le Egyptʼ liahna a zong dingin Egypt gamah pai suk dingin a kuan khia, a lehdo mite in gimna ngah tahen.

Isaiah 30:1 Referans Kwoze

Isaiah 65:2

A hoih loin gamta-in, amau’ deih bang a zui teitei mite,

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amaute’ gal suak a, amahmah in amaute a do hi.

Isaiah 29:15

Topa’ kiang panin amau’ thuvaihawmna a seelcip, khuamial sungah a gamta, “Kua in hong mu ding hiam? Kua in hong thei ding hiam?” a cite in gimna ngah tahen.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

Ezekiel 3:9

Suang khempeuh sangin a sakzaw, diamond suang zahin a sakin na lungsim kong bawl ding hi. Tua ahih manin hih a lehdo thei mite kihta kei in,” a hong ci hi.

Ezekiel 2:3

“Mihing ahi Ezekiel aw, kei hong langpangin a hong lehdo Israel minamte kiangah nang a hong sawl ka hi hi. A pu a pate uh mah bangin amaute in tu dongin kei hong lehdo lai uh hi.

Jeremiah 5:23

Ahih hangin hih mite a lungsim uh khauhin kei hong langpan’ zen uh hi. Hong kiheisan uh a, hong paisan uh hi.

Isaiah 30:9

Bang hang hiam cih leh amaute pen a lehdo mite, a zuauthei tapate, Topa’ thuhilhna a ngai nuam lo mite ahi uh hi.

Late 61:4

Na buk sungah hong omsak tawntung inla, nangma khate’ hutna sungah lungmuangin hong omsak in.

Thu-hilhkikna 9:24

Note kong theih ni a kipan Topa na nial uh hi.

Jeremiah 4:17

Judah gam in kei hong langpan’ ahih manin lohongte bangin a galte in a kimkotah a pang dimdiam uh hi, Topa in kong ci hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Isaiah 8:12

“Hih mite’ vaihawmna pawlpih kei un. Amau’ kihtakte kihta kei unla, lau kei un.

Isaiah 4:5

Tua ciangin Zion Mual tung, tua lai-a kikhawm mi khempeuh tungah, sunin meii sungah, zanin meikuang khu tawh Topa hong kilang ding a, Topa’ minthanna vang in khuapi hu ding hi.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Hosea 13:2

Tua hinapi-in amaute khialthuah semsem uh a, a biak ding uh milim a bawl uh hi. Amau’ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Isaiah 5:18

Amaute in, “I muh theih nadingin amah manlang sakin, ama nasep khawlsak ni. Israel-te’ Siangtho Pa’ deihna i theih theih nadingin naisakin tungsak ni!” ci-in ganhing kaih bangin khauzen tawh mawhna kai-in, khauhualpi tawh khialhna kai uh ahih manin gimna ngah ta uh hen.

Isaiah 28:20

Bang hang hiam cih leh puanbuk sungah khe khuan nadingin lupna tom lua a, silh dingin puanza neu lua hi, a cih tawh na kibang ding uh hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i neizo hi. A tuumcip ding tuiciin hong tun ciangin eite hong ban lo ding hi; bang hang hiam cih leh zuauthu i bel a, zuauna-ah i bu hi,” na ci uh hi.

Isaiah 8:19

Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amau’ pasian-te thu dongin, mihingte’ thu pen misite dot ding mah hi lo ahi hiam?” hong ci ding uh hi.

Thu-hilhkikna 9:7

“Topa na Pasian uh sehnel gamah phinin na hehsakna uh phawk unla, mangngilh kei un. Egypt gam panin na paikhiat ni uh a kipan hih lai na tun dongun Topa langpanin na lehdo uh hi.

Gamlak-vakna 32:14

En un, Israel mite tungah Topa’ hehluatna a khangsakto lai dingin, na pu na pate uh’ tangin hong khang na hi uh hiam!

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Isaiah 8:11

Bang hang hiam cih leh Topa in ama vangliatna tawh kei tungah thu hong gen a, hih mite’ lampi ka zuih loh nadingin hong hilhkhol a,

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

Jeremiah 37:7

“Topa ahi Israel mite’ Pasian in kong cihin-ah: Kei’ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipa’ galkapte a gam uhah ciahkik ding uh hi.

Jeremiah 42:19

Tua ciangin Judah gamah a omlai sunte kiangah, “Topa in note kiangah, Egypt gamah pai kei un, hong ci hi. Tuni-in note kong hilhkholhnate teltakin thei un.

Ezekiel 11:2

Pasian in kei kiangah, “Mihing ahi Ezekiel aw, hih mite pen khuapi sungah thu hoih lo a gen migilote ahi uh hi.

Ezekiel 24:3

Topa Pasian ahi keimah in amaute a dingin gentehna-in ka gen ahi hih thugentehna pen a lehdo thei ka mite tungah hih bangin gen in: Mei tungah beel suang unla a sungah tui a dimin buk un.

Ezekiel 29:16

Israel mite in muan le suanin amaute neikik ngei nawn lo ding uh hi. Egypt-te a tuahsiat ciangin a suang khialkha ahih lamtak uh Israel mite in a phawk ding uh hi. Tua ciangin Topa Pasian ka hihna thu Israel mite in hong thei ding uh hi,” hong ci hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tunzo ding hi.

Joshua 9:14

Tua ahih ciangin Israel mite in amau’ an puakte sangkha uh a, Topa’ tung panin lamlahna dong lo uh hi.

2 KUMPI NIHNATE 18:21

En un, a tungah a kingam mipa’ khut a sun ding pumpeeng kung kitam a banglel Egypt tu-in na suang uh hi. Amah a suangte khempeuh tungah Egypt kumpipa Faro pen tua banglel ahi hi.

2 KUMPI NIHNATE 18:24

Tua ahih ciangin note in leengte le sakol tung tuangte tawh kisai-in Egypt a suang kimlai in bangci-in ka topa’ nasemte lakah a neupen galkap ukpa khat lehnawhzo ding na hi uh hiam?

Isaiah 1:4

Ah, a khial minam, mawhna in a nencip mite, siatna a bawlte’ suanlekhakte, a gamtatsia tapate! Amaute in Topa nusia khin uh a, amaute in Israel-te’ Siangtho Pasian simmawh khin uh hi. Amaute in lam khial khin taktak uh hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

Jeremiah 2:18

Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Hosea 11:6

Galte in a khuapi sung uh luhin, a khuapi kulhkongpi zawlte uh suktansak ding hi. Ka mite in thu hoih lo zuikha uh ahih manin gal in susiamang ding hi.