Isaiah 3:23 - Tedim Bible

²³ puanza neu vang siseihte, saihadial puansungsilhte, dialkhipte, le kikhuhna puante lakhia ding hi.

Tedim Bible Revision 2017

²³ puan zaneu vang siseihte, saihadial puan sungsilhte, dialkhipte le kikhuhna puante la khia ding hi.

Isaiah 3:23 Referans Kwoze

Mangmuhna 19:14

Vantung galkapte a siangtho puanpak hoih tawh kizem uh a, sakol kangte tungah tuangin amah a zui uh hi.

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasian’ mi siangthote’ gamtatna mante ahi hi.

Luka 16:19

“Khatvei, mihau mahmah khat om a, nisimin puan manpha nono silhin, anlim nono ne-in a om hi.

Ezekiel 16:10

Puanphan kizem hoihte tawh nang hong zemin, savun hoihpen tawh a kibawl khedap hong bulhsakin, saihadial puan hong khimsakin, nai puantungsilh kong silhsak hi.

Solomon la 5:7

Khuasung a cing mite tawh ka kituak a, kei hong satin hong liamsak uh a, kulhzang a a kileh den khuacingte in ka puantungsilh hawkkhia uh hi.

1 KHANG TANGTHU MASATE 15:27

David in saihadial puantualpi silh a, tua mah bangin Thuciamna Singkuang a pua Levi mite khempeuh, le lasate, le lasate a uk Khenaniah-te in zong a silh uh hi. Tua ciangin David in siampipuan khat silh hi.

Ruth 3:15

Mipa in, “Na puanza hong paipih inla hong dawh in,” a ci hi. Tua ahih ciangin a numei in dawh a, amah in mangbuhham lawh guk tehkhia-in tua nu guan a, tua ciangin khuapi sungah tua nu a ciah hi.

Paikhiatna 38:8

Amah in kikhopna buk kongkhakah na a sem numeite’ limlangte panin sumngo tawh kisilna kuang le a ngakna a bawl hi.

Piancilna 41:42

Tua ciangin Faro in a min gelhna zungbuh ama khut tung panin suahkhia-in Josef’ khutah bulh a, puan hoih mahmah tawh amah zemin, a ngawngah kham khainiang khat oksak hi.

Piancilna 24:65

nasempa kiangah, “Hua lai-a mipa, eite hong dawn dingin gamlak a hong pai kua ahi hiam?” a ci hi. Nasempa in, “Ka topa hi,” a ci hi. Tua ahih ciangin amah in a kikhuhna puan la-in a kikhuh hi.

Isaiah 3:22

pawipuante, puanza neute, puanpite le khutkhai ipte;

Isaiah 3:24

Paknamtui tangin uihna, kawnggak tangin khauhualpi, limtak a kizem sam tangin lu kolhna, puan hoih tangin puanhampi, melhoihna tangin maizumna hun hong tung ding hi.

Isaiah 47:2

An gawina suangte hei inla, an gawi in. Na kikhuhna puan lakhia inla, na nik na puan suahin gunte kantan in.

Zekhariah 3:5

Tua ciangin a sawltak van mite thu pia a, Joshua’ lu tungah dial siangtho a khipsak ding uh a sawl hi. Topa’ vantungmi tua munah a din sung mahin, amaute in zong Joshua, dial siangtho khimsakin, tua khit ciangin puan siangtho zong a silhsak uh hi.