Isaiah 3:16 - Tedim Bible

¹⁶ Topa in hih bangin ci hi: Jerusalem numeite kiphasakin ngawng doksa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Tedim Bible Revision 2017

¹⁶ Topa in hih bangin ci hi: Jerusalem numeite kiphasakin ngawng dok sa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Isaiah 3:16 Referans Kwoze

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Solomon la 3:11

Jerusalem nungakte aw, hong pai unla, Kumpi Solomon en dih ve un. A zi neih ni, a lungdam ni-a, a nu in amah a khuksak Kumpi lukhu hong khu hi.

Paunak 30:13

Mihoih pha mahmahin a kingaihsun, a kiliansak mahmah mi pawlkhat om hi.

Luka 23:28

Jesuh zong amaute lamah kihei a, “Jerusalem khua numeite aw, kei hong kah kei unla, note le na tate uh a dingin kap un.

Zefaniah 3:11

Tua hun ciangin ka mite in kei nong lehdona hangun maizumna ding bangmah om nawn lo ding hi. Note lak panin a kiphasak, a kihisak mite ka hawlkhia ding a, Jerusalem khua-a ka mual siangtho tungah kei nong lehdo nawn kei ding uh hi.

Isaiah 24:4

Leitung vulin keugaw a, leitung buppi thaneemin vulgawp hi. Vantung le leitung a nih tuakin vulkhawm hi.

Isaiah 3:18

Tua ciangin Topa in khebuh hoihte, lutuam le khade lim tawh a kibang kizepnate;

Isaiah 1:8

Jerusalem khuapi bek omlai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Isaiah 3:1

Topa, Vanglian Topa in Jerusalem khua le Judah gam panin nuntakna le luhinna, nuntakna an khempeuh le nuntakna tui khempeuh;

Isaiah 3:4

Amaute’ ulian dingin naupangte ka bawl ding a, naungekte in amaute uk ding uh hi.

Isaiah 3:17

Topa in Jerusalem numeite’ lutang meima sakin Topa in amau’ lutang kolhsak ding hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.