Isaiah 3:11 - Tedim Bible

¹¹ Migilo in gimna ngah ta hen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Tedim Bible Revision 2017

¹¹ Migilo in gimna ngah tahen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Isaiah 3:11 Referans Kwoze

Thuhilh-sia 8:13

Migilote a dingin thu nuam lo ding a, amaute in Pasian zahtak lo uh ahih manin a nuntak hun uh niliim bangin beipak ding a, khansih ding uh hi,” kici hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo ding a, hehpihna lungsim a neite tungah Pasian in thu a khen ciangin a hehpihna in zozaw ding hi.

Late 62:12

Topa aw, itna kip nangma a’ ahi hi. Bang hang hiam cih leh a sepna bang ciatin mite na thuk hi.

Late 28:4

Amau’ sepna le a gamtat siatnate uh bangin amaute thukkik in. Amau’ sepna tawh a kizui-in amaute tungah thuk inla, amau’ ngah ding a kilawm thaman pia in.

Isaiah 65:20

Naupangte a ngeksih om lo ding a, sauveipipi kinungta ding hi. Kum za bek a nungtate a khansihin kingaihsun ding a, kum za cing loin a site, keima gimpiakna lim hi ding hi.

Isaiah 48:22

Tua ahih ciangin migilote a dingin nopna om lo hi, Topa in ci hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Piancilna 18:25

Thuman mite, migilote tawh a kibat nadingin migilote tawh thuman mite thahkhawm ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

2 KHANG TANGTHU NIHNATE 6:23

vantung panin za-in gamta inla, na nasemte thu khenin, a mawh mi a gamtatna ama lu tung mahah tusakin thuk inla, a thuman mi a thumanna tawh kizui-in thaman piakna tawh langsak in.

JOB (Job) 10:15

Ka khialh phetin gim nong pia pah a, ka gamtat hoih ciangin zong nong pakta tuan kei hi. Mindaina le maizumna tawh kei ka kidim hi.

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Isaiah 13:11

Leitung mite a tatsiatna hangun gim ka pia ding a, migilote a mawhna hangun gim ka thuaksak ding hi. Mi kihisakte’ kiphatsakna beisiang sakin, a kisatheite’ kiliatsakna ka niamkhiat ding hi.

Isaiah 65:6

Tu-in amaute gimpiak ding ka khentat khin a, amaute’ thuak dingte lai sungah kiciamteh khin hi. Amau’ mawhnate ka mawk koih kei ding a, amau’ mawhna le a pu a pate uh mawhnate ka thukkik ding hi. Amaute in mual liante tungah paknamtui halin, mual neute tungah hong simmawh uh ahih manin amau’ gamtatna tawh kizui-in ka thuk ding hi, ci hi.

Jeremiah 21:14

Na gamtatna tawh kizui-in gimna ka hong pia ding hi, Topa in kong ci hi. Tulaka sing hoihte tawh a kilam na kumpi innte uh mei tawh kihal ding a, a kimkot khempeuh ka kangtumsak ding hi,” a ci hi.

Jeremiah 31:30

Mi khempeuh amau’ mawhna ciat uh hang bekin a si ding uh hi. Leenggah thuk a nete’ ha bek a kim ding hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahlekah thu le thumletau thute vive a kigelh ka mu hi.

Ezekiel 18:20

A si ding pa pen a mawh mipa ahi hi. Ta in pa’ mawhna thuak lo ding a, tua mah bangin pa in ta’ mawhna thuak lo ding hi. Mihoih pa in a hoihna thaman ngah ding a, migilo pa in a gitlohna thaman thuak ding hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tungta hi. Kong kiphawkmawh bawl nawn kei ding a, ki-ip nawn loin, zong kong khasiat ngaihsut kei ding hi. Na gamtatna bangin gim hong kipia ding hi, Topa Pasian in ci hi,” a hong ci hi.

Ezekiel 33:8

Migilo pa khat pen si ding hi, ci-in kong gen ciangin amah a nuntak theih nadingin na hilh kei leh, tua mipa pen a mawhnei-in si ding a, ahi zongin ama sihna nang kong ngawh ding hi.

Micah 3:4

Topa’ tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Micah 7:13

Ahi zongin a tungah a teng mite’ gitlohna hangin, leitung pen sehnel gamkhing a suak ding hi.

Gamlak-vakna 32:23

Ahih hangin note tua bangin na gamtat kei uhleh, en un, Topa’ tungah a khial khin na hi uh hi. Na khialhna un note hong sulzuih ding theitel un.

Thukhente 9:57

Pasian in Shekhem mite khempeuh’ gitlohna hangin Jerubbaal’ tapa Jotham’ samsiatna bangin amau’ tungah gimna a tungsak hi.

2 SAMUEL NIHNA 3:39

Sathau kinilh kumpipa hinapi-in tuni-in ka tha a nem hi. Zeruiah’ ta hih mite kei a dingin haksa lua hi. Gamtatsia pa a gitlohna bangin Topa in thuk ta hen!” a ci hi.

1 KUMPI MASATE 21:21

Topa in hih bangin ci hi: Nangma tungah siatna kong tungsak ding hi. Nang kong phiatkhia siang ding a, Israel sungah nangma mi sal le sal ahi lo mi pasal khempeuh ka beisak ding hi.

Paunak 11:31

Mihoihte hih leitungah thaman kipia ahihleh migilo le mawhneite gimna kipiazaw kan ding hi.

Paunak 26:27

Mi siahna-in gum a tote amau’ gum tawhna sung mahah lehkiat zawsop uh a, mi a dengkha dingin suang a khukte amau’ suang khuk mah in amau mah lehden kha zaw hi.

Ezekiel 16:59

“Topa Pasian in hih bangin ci hi. Nang in i kamciamna le i thuciamna don lo na hih manin nangma gamtatna bangin nang tungah kong gamta hi.