Isaiah 28:1 - Tedim Bible

¹ Israel Kumpi gam in siatna a thuak ding hita hi. Zu a kham, a gam makaite’ lu tungah a om pak tawh a kibawl Kumpi lukhu bangin a minthanna maimangta hi. A lutang uh paknamtui kinuh napi-in zukhamin tukmangkhin uh hi.

Tedim Bible Revision 2017

¹ Israel Kumpi gam in siatna a thuak ding hi ta hi. Zu a kham, a gam makaiteʼ lu tungah a om pak tawh a kibawl Kumpi lukhu bangin a minthanna maimang ta hi. A lutang uh paknamtui kinuh napi-in zukhamin tuk mangkhin uh hi.

Isaiah 28:1 Referans Kwoze

Hosea 7:5

Kumpipa in pawi a Sbawl ni-in amaute in uliante zu khamsakin haisak uh a, amau’ ngimna a thei lopi-in kumpipa zong tua lakah hong kihel hi.

Isaiah 28:7

Hih mite zong leenggahzu tawh hoi-in khamtheihzu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasian’ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Amos 6:6

Leenggahzu hai lianpipi-in na dawn uh a, sathau hoihpente tawh na kizut uh hi. Ahi zongin Josef minamte’ siatna hangin themkhat zong na dah het kei uh hi.

Amos 6:1

Israel minamte in muanin a hong neih, i minam lakah ulian ahi, Zion-ah nuamtakin a om hithiat, Samaria-ah lungmuang takin a om note a dingin zumhuai mahmah hi.

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Amos 2:8

Biakna tau gei khempeuhah amaute lum uh a, sum leitawina hangin a puan kepsakte uh a phah uh hi. Amaute in a Pasian uh’ biakinn sungah leibate kiang pan a laksak uh leenggahzu a dawn uh hi.

Hosea 6:10

Israel mite lakah siatna lianpi khat ka mu hi. Milim biakna tawh amaute kininsak uh hi.

Hosea 5:5

Israel-te’ kiphatsakna pen amau mah’ siatna ding ahi hi. Amau’ mawhna in amaute puksak ding a, Judah mite in zong pukpih ding uh hi.

Hosea 4:11

Leenggahzu in ka mite’ thungaihsut theihna beisak hi.

Isaiah 9:9

“Leiseekte kicim khin hi; ahih hangin suangseek tawh i lam ding hi. Theithek singte kisia khin hi; ahih hangin taamtak sing tawh i khek ding hi,” ci-a kiphasakin lungsim kihisak Efraim mite le Samaria gam sunga teng mi khempeuh in thei ding uh hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khua’ hauhna le Samaria khuasunga a om a kisut vante, Assiria kumpipa in la-in masuan ding hi,” hong ci hi.

Isaiah 5:22

Leenggahzu tampi a dawnte, khamtheih zunek a hatte,

Isaiah 5:11

Zingsang tungin tho-in, khamtheihzu delhin, leenggahzu in amaute a satsak pialpual matengin nitakin a tutkho mite in gimna ngah ta hen!

Paunak 23:29

Kuate in gal nei a, kuate in dahna thuak hiam? Thu om lopi-in kuate liam a, thu om lopi-in kuate a mit san gega hiam?

2 KHANG TANGTHU NIHNATE 28:6

Bang hang hiam cih leh amaute in a pu a pate uh Pasian, Topa nusia uh ahih manin Remaliah’ tapa Pekah in nikhat thu-in amaute galhang mihing tul zakhat le tul sawmnih, Judah gam sungah a that hi.

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

Siampi Laibu 26:19

keimah in na kiphatsakpih uh note’ vangliatna susia-in, van panin guah hong zusak loin, na leitang uh sik ka bangsak ding hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.

Isaiah 9:8

Topa in Jakob tungah thu khat khah a, Israel tungah thu hong tung ding hi.

Isaiah 9:11

Tua ahih ciangin Topa in amaute do-in a langpang ding bawl a, amau’ galte a hanthawn hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 6:4

Saiha kibawl lupna tungah a lum hithiat, tutphah nip tungah a kizia hiathiat, tuuno sa le bawngno sa, duhduhin a ne note in gimna na thuak ding uh hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-te’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi le a sunga a omteng, galte’ khut sungah ka pia ding hi.