Isaiah 27:12 - Tedim Bible

¹² Israel mite aw, tua ni ciangin Eufratis gunpi panin Egypt luipi dongin Topa in thu hong khen ding a, note khat khatin hong kikaikhawm ding hi.

Tedim Bible Revision 2017

¹² Israel mite aw, tua ni ciangin Eufratis gunpi panin Egypt luipi dongin Topa in thu hong khen dinga, note khatkhatin hong kikaikhawm ding hi.

Isaiah 27:12 Referans Kwoze

Piancilna 15:18

Tua ni-in Topa in Abram tawh thuciamna khat bawl a, “Na suanlekhakte tungah hih leitang, Egypt gun panin a lian gunpi ahi Eufratis gun ciang dong,

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte keima kiangah ka kaikhawm lai ding hi, ci hi,” a ci hi.

Nehemiah 1:9

Ahi zongin kei kiangah hong ciahkikin ka thupiaknate zui-in na sep uhleh leimong dongah a kithehthangsa na mite uh kaikhawmin keima min om nadingin ka teelnasa munah amaute ka ciahpih ding hi,’ ci-a na thugen hong phawkkik in.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Luka 15:4

“Note sung panin khatpeuh in tuu zakhat nei-in, tua sung panin khat mansuah leh bangcih ding ahi hiam? Lopa ne-in a gamta tuu sawmkua le kuate nusia-in, a muh matengin tua a mang tuu khat a zong dingin kuankhia ding hi.

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Jeremiah 3:14

Hong kileh kik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua-ah ka hong puak ding hi.

Isaiah 17:6

Oliv kung a kisin’ khit ciangin a hiang sangpen dawnah pum nih pum thum singkung hiang dawnah pum li pum nga a omlai tawh kibang lel ding hi, Israel-te’ Topa Pasian in ci hi.

Late 72:8

Ama ukna, tuipi khat pan tuipi khat, Gunpi panin leimong dongin om tawntung tahen.

Late 68:22

Topa in hih bangin ci hi: “Note in sisan sungah na khe uh silin, na uite un galte’ sisan a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Isaiah 49:5

Ama kiangah Jakob kipaipih kikin, ama kiangah Israel-te a kikaihkhop theih nadingin Topa’ mai-ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Jeremiah 44:28

Namsau tawh thahna a thuak kha lo mi tawmkhate, Egypt gam panin Judah gamah hong ciahkik ding uh a, Egypt gamah a teng dingin a pai a nungtalai sunte in kei’ kammal le amau’ kammal koizaw a manin tung, cih a thei ding uh hi.

Ezekiel 20:34

Gam khempeuhah note kong thehthangna panin kong kaihkhopkik ciangin note tungah ka vangliatna le ka hehna kong lak ding hi.

Ezekiel 20:41

Na kithehthangna uh gam tuamtuam panin note hong paikhiatpihin mun khatah note kong kaihkhop khit ciangin a namtui na biakpiaknate uh kong sang ding hi. Note in kei nong biak manun minam dangte in a siangtho ka hihna hong thei ding uh hi.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih ding a, amaute a cithei-in ka bawlkik ding hi. Keima min siangtho ka hu ta ding hi.

Ezekiel 47:19

“Leitaw lam gamgi pen, Tamar khuapi panin hong kipanin Meribathkadesh bual hong nawkin, tua panin sak nitumna lam manawhin Egypt gamgi zuito-in Mediterranean Tuipi sun ding hi.

Zekhariah 8:7

Nisuahna le nitumna gamte panin ka mite ka honkhia ding a,

Joshua 15:4

Azmon ciang dong pai-in Egypt lui-ah suakkhia a, tuipi-ah a mong bei hi. Hih pen amau’ leitaw lam gamgi hi ding hi.

1 KUMPI MASATE 8:65

Tua hi a, tua hun lai-in Solomon le amah tawh a om Israel mi khempeuh in Topa i Pasian’ mai-ah ni sagih sung, Hamath khua lutna panin Egypt lui dong kikhopna lianpi khat bawlin pawi khat kham uh hi.