Isaiah 27:10 - Tedim Bible

¹⁰ Bang hang hiam cih leh a muanhuai khuapi pen gamlak bangin amah guakin omin, mi’ tenna mun pen kitaisanin kinusia hi. Tua lai-ah bawngno gamta-in lum a, singhiangte a kheuh hi.

Tedim Bible Revision 2017

¹⁰ Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Isaiah 27:10 Referans Kwoze

Isaiah 17:2

Ama khuapite kinusiacip paisuak ding hi. Tuuhonte’ omna mun suak ding a, tua tuuhonte lum hithiatin bangmah in lausak lo ding hi.

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhte’ kiangah, ‘Lo dingin Zion mual a kikho ding hi. Jerusalem khua kisia zan ding a, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl ding a, hih khuapi pen leitung gam khempeuhte’ kihamsiatna-in ka zangsak ding hi,’ na ci ding hi,” a ci hi.

Isaiah 17:9

Tua ni ciangin amau’ khuapi muanhuaite pen Hiv mite le Amor mite in Israel mite’ hangin a nusiat uh munte tawh kibang ding a, gamkhing a suak ding hi.

Ezekiel 36:4

Tua ahih manin no Israel mualtung gamte aw, Topa Pasian ahi keimah in mual lian le mual neute, lui le guamte, a kisia-in a kinusia munte, le a kiima minam dangte in luhgawpin a ciamnuihbawl khuapite tungah ka gen thute ngai un.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.

Kah la 1:4

Ni siangtho ni ciangin Pasian a bia dingin Biakinnpi-ah kuamah a pai nawn kei hi. Tua lai-a lasa numeite in gimna thuak uh a, siampite a tau uh hi. Khua kongpi-ah kuamah om nawn lo a, Jerusalem khuapi in gimna a thuak hi.

Isaiah 64:10

Nangma khuapi siangthote gamlak suak khinta a, Zion zong gamlakpi suak a, Jerusalem khua gamkhing a suak hi.

Isaiah 25:2

Bang hang hiam cih leh nang in khuapi ninbulomtang na suah a, a muanhuai khuapi a sia na suaksak hi. Mi kiphasakte’ kumpi inn pen khua bang nawn lo a, cikmah hunin kilamkik nawn lo ding hi.

Isaiah 7:25

Lingkungte le lingte na kihtakna hangin tupeek tawh a kikho ngei mual neute-ah na pai ngam kei ding hi. Tua munte pen bawng khahna le tuute’ gamtatna mun suak ding hi,” a ci hi.

Isaiah 7:21

“Tua ni ciangin mi khat in bawngla khat le tuu nih bang bek suahtakzo ding a,

Isaiah 32:19

(Tua ciangin tulak kolhsiang ding a, a khuapi pen cimzan ding hi.)

Isaiah 35:1

Gamlak le lei keuna gam lungdam ding a, sehnel gam lungdamin palhkhia ding hi. Unok pak bangin

Isaiah 49:21

Tua ciangin na lungsimah, ‘Kua in keima a dingin hih mite hong hinkhiatsak ahi hiam? Kei hong kinusia-in tang-awlin ka om a, salin hong kikoihin hong kipaikhiatpih hi. Hihte kua in hong khoisak ahi hiam? Keimah guakin hong kinusia hi. Tua ahih manin koi lai panin hihte hong piang ahi hiam?’ na ci ding hi,” a ci hi.

Jeremiah 25:37

A lauhuai mahmah Topa’ hehna hangin a nop mahmah a gam uh kisia gawp hi.

Jeremiah 52:27

Babylon kumpipa in zong Hamath gam Riblah khua-ah amaute satin a thatlum hi. Tu-a bangin Judah mite a gam panun sal dingin a kilakhia hi.

Isaiah 24:10

Khuapi hawmsuak pen kisiacip ta a, kuamah a tum theih loh nadingin inn khempeuh kikhakcip hi.