Isaiah 27:1 - Tedim Bible

¹ Tua ni ciangin Topa in a sak mahmah, a lian mahmah, a to mahmah namsau tawh, a taikhia gulpi ahi awle, a kikualvial gulpi ahi awle gim pia ding a, amah in tuipi sunga om tua gulpi a that ding hi.

Tedim Bible Revision 2017

¹ Tua ni ciangin Topa in a sak mahmah, a lian mahmah, a to mahmah namsau tawh, a tai khia gulpi ahi Awle, a kikualvial gulpi ahi Awle gim pia dinga, amah in tuipi sunga om tua gulpi a that ding hi.

Isaiah 27:1 Referans Kwoze

Ezekiel 29:3

Topa Pasian in hih bangin gen hi, ci-in Egypt kumpipa kiangah gen in: “Gun sungah a om awle lianpi ahi, nang Egypt kumpipa aw, kei pen nangma lang ka hi hi. Nail Gunpi, nangma a’ in na gen a, nangma bawlsa-in na ngaihsun hi.

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sunpa, nangmah hi lo na hi hiam?

Mangmuhna 12:3

Tua ciangin lim lamdang adang khat mah vanah hong kilang leuleu hi. Gulpi san a lian mahmah khat om a, lutang sagih le ki sawm nei a, a lutang sagihte-ah lukhu mah nei ciat hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thu khen ding a, Topa in a thah mite tam mahmah ding hi.

Late 104:26

Hua tuipi tungah teembawte le gualnop nadingin na bawl Awle a pai hi.

JOB (Job) 26:13

A hu a san ciangin vantung teng siang pah a, ama khut in a taikhia gulpi thatlum hi.

Mangmuhna 20:2

Amah in tanglai gulpi, Dawimangpa ahih kei leh Satan zong a kici pa manin kum tulkhat sung a hencip hi.

Mangmuhna 19:21

Sakol tungah a tuang pa’ kam panin a hong pusuak namsau in amaute’ galkap khempeuh thatlum khin a, vasate khempeuh in a nekzawh zahzahun amaute’ sa a ne uh hi.

Jeremiah 51:34

“Babylon kumpipa Nebukhadnezzar in Jerusalem khua hong valhtumin, hong sukham gawp hi. Beel hawm bangin a hawmin hong koih a, gulpi’ valh bangin hong nawmvalh hi. Ka neihsa a limnono tawh amah kivak kham a, kei a hong hawlkhia hi.

JOB (Job) 40:19

“Ganhing khempeuh lak pan a lamdang pen hi a, amah a Piangsak pa bek mah in amah a zozo ahi hi.

Mangmuhna 17:15

Tua ciangin vantungmi in hong genthuah lai a, “A paktat numei a tutna gun tuite pen minam tuamtuam, pau nam tuamtuam a zang mihonpite ahi hi.

Mangmuhna 17:1

Tua ciangin hai sagih a tawi vantungmi sagihte sung panin kei kiangah khat hong pai a, “Hong pai in; gun tampi gei-ah a kilam a paktat mahmah khuapi gimna a kipiakzia ding ka hong lak ding hi.

Mangmuhna 16:13

Tua ciangin gulpi kamsung, ganhing kamsung, le a man lo kamsangpa’ kamsung panin uiphuk tawh a kibang kha gilo thum a hong pusuak ka mu hi.

Mangmuhna 13:11

Tua ciangin leisung panin a hong pusuak ganhing adang khat ka mu hi. Tua ganhing in tuu bangin ki nih nei a, a kampau zia pen gulpi kampau tawh kibang hi.

Mangmuhna 13:4

Gulpi in tua ganhing tungah ama aana pia ahih manin mite in tua gulpi a bia uh hi. A ganhing zong bia uh a, “Hih ganhing tawh a kibang kua om a, kua in amah suzo ding ahi hiam?” ci uh hi.

Mangmuhna 2:16

Tua ahih manin na mawhna panun kisikkik un. Na kisik kei uhleh note kiangah kei hong pai baihin, ka kam panin a pusuak namsau tawh amaute ka do ding hi.

Jeremiah 51:13

Aw, tui tamna gei-ah a teng mite, sum a hau note aw, na hun uh beita a, na nuntakna khau uh kitat ta hi.

Jeremiah 47:6

Note in, ‘Topa’ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Isaiah 65:25

Keivom le tuuno in an nekhawm ding uh a, humpinelkai in bawngtal bangin buhkung ne ding hi. Leivui pen gulpi’ an hita ding a, mite hong tu nawn lo ding hi. Keima mual siangtho tung tengah amaute kiliamsak lo ding uh a, kisusia lo ding uh hi, Topa in ci hi,” a ci hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Late 45:3

Vanglian kumpipa aw, na minthanna le na liatna tawh na namsau kuah in.

JOB (Job) 3:8

Phuisamna tawh awle a khiim thei, a mitphial tawh tuipi ganhing a hencip thei mite in tua zan samsia tahen.

JOB (Job) 41:1

“Ngasa siahna sikkawi tawh Awle manzo ding a, khauhual khat tawh a leii henzo ding na hi hiam?

Isaiah 65:12

namsau tawh a si dingin ka hong seh ding a, hong that dingte’ mai-ah na ngawng uh na dawh ding uh hi. Bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu man loh ding mah na utzaw uh a, a sia na gamta uh hi.

Amos 9:3

Karmel mual dawnah a buk uh hangin, amaute zongin ka mankhia ding a, keima kiang panin tuipi tawng sungah bu ta le-uh zong, tuipi gulpite in a tukna ding thu ka pia ding hi.