Isaiah 26:9 - Tedim Bible

⁹ Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teng mite in thuman i cih bang hiam, cih a phawk ding uh hi.

Tedim Bible Revision 2017

⁹ Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teeng mite in thuman i cih bang hiam, cih a phawk ding uh hi.

Isaiah 26:9 Referans Kwoze

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Late 119:62

A thuman na ngeina kipte hangin nangmah a phat dingin zankim laitakin ka tho hi.

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Mangmuhna 11:13

Tua hun laitakin nakpitakin zin ling a, a khuapi sehsawmsuah sehkhat tang ding kisiacip a, tua zinling in mi tulsagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Isaiah 55:6

A kimuh thei hun lai-in Topa zong unla amah a nai om lai-in thu ngen un.

Paunak 8:17

Kei hong itte ka it a, kei hong zong peuhmahte in hong mu uh hi.

Late 58:11

Mite in, “Thuman mi a’ ding noptuamna om taktak a, leitung thu a khen Pasian khat om taktak hi,” ci ding uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a dinglai om nawn lo hi. Hih thu hangin Jakob’ mawhna kimaisakin a mawhna kilakkhiatsak hi.

Late 130:6

Galvilte in zingsang hun ding a ngaklah sangin galvilte in phalvak hun ding a ngaklah sangin, Topa ka ngaklah zaw hi.

Late 64:9

Tua ciangin mi khempeuh lau ding uh hi. Amaute in Pasian’ hihsa thute gengen ding uh a, ama hihsa nate khempeuh ngaihsunsun ding uh hi.

Late 83:18

Topa a kici min nei nangmah bek leitung khempeuhah a Sangpenpa na hihna amaute theisak in.

Late 78:34

Amaute pawlkhat a thah khit ciangin a omlai mite in amah zong pan uh hi. Amaute kisikin, lungsim taktak tawh Pasian a zong uh hi.

Late 63:5

Ka lupna tungah nangmah hong ngaihsunsunin, zanthapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

Late 105:7

Amah pen Topa, eite’ Pasian hi a, ama thupiaknate leitung khempeuh in a zuih ding ahi hi.

Late 119:55

Topa aw, zanin na min ka phawk a, nangma thu ka zui hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuhah naupangte puksi khin dektak uh hi.

Kah la 3:25

Amah a muangte a dingin Topa a hoih hi.

Ezekiel 5:15

Note tungah hehin sinsona tawh gim kong piak ciangin na kim uha a om minam dangte khempeuh lau ding uh hi. Amaute in note hong muhdah et-in hong simmawhbawl ding uh hi.

1 KHANG TANGTHU MASATE 16:14

Amah, eite’ Topa Pasian hi a, ama thupiaknate leitung khempeuh a’ ding ahi hi.