Isaiah 26:6 - Tedim Bible

⁶ A zawng a cimawh a kinengniam mite in tu-in tua khua tuancil uh hi.

Tedim Bible Revision 2017

⁶ A zawng a cimawh a kinengniam mite in tu-in tua khua tuancil uh hi.

Isaiah 26:6 Referans Kwoze

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin note’ khenuai mi hong hisak baih ding hi. I Topa Jesuh Khrih hong hehpihna thupha, note tungah om tahen.

Luka 10:19

Tu-in thei un. Gulpi le momaite na sikgawp nading uh le na galte uh na zawh nadingun note tungah vangliatna ka hong piazo a, amaute in note bangmah hong cih zo lo ding uh hi.

Joshua 10:24

Amaute in Joshua kiangah tua kumpi ngate a paikhiatpih uh ciangin, Joshua in Israel mi khempeuh samin, amah tawh a kuankhawm galkapmangte kiangah, “A nai-ah hong pai unla, hih kumpite’ ngawngah na khe uh nga un,” a ci hi. Tua ciangin amaute a nai-ah hong pai-in, a khe uh amaute’ ngawng tungah a nga uh hi.

Mangmuhna 2:26

A gualzo, a tawp dongin keima deihna bangin a gamtazo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia ding a, leibeel satkhap bangin sik ciangkhut tawh minam dangte satgawp ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

1 KORIN MASA 1:26

Sanggamte aw, Pasian in note hong sap laitakin na omzia uh ngaihsun un. Leitung mite’ hong muhna panin note a tamzaw, mipil na hi kei uh a, mi vanglian zong na hi kei uh a, mi thupi zong na hi kei uh hi.

Malakhi 4:3

Keimah in na kong sep ni ciangin note in migilote nuaisiahin leivui bangin na tuancil ding uh hi.

Zefaniah 3:11

Tua hun ciangin ka mite in kei nong lehdona hangun maizumna ding bangmah om nawn lo ding hi. Note lak panin a kiphasak, a kihisak mite ka hawlkhia ding a, Jerusalem khua-a ka mual siangtho tungah kei nong lehdo nawn kei ding uh hi.

Daniel 7:27

“Hih leitung kumpi gam, vangliatna, le liatna khempeuh a Lianpen Pasian’ mite tungah a kipia ding hi. Amau’ kumpi za cikmah hunin bei ngei lo ding a, leitung ukna za a nei khempeuhte in a thu uh mangin amaute’ na a sem ding uh hi,” hong ci hi.

Jeremiah 50:45

Tua ahih manin Babylon khuapi’ thuak ding le Khaldea gam’ gim nadingin Topa’ geelna le ngimnate ngai dih un. A ta ngeekte nangawn uh kikaikhia takpi ding a, mi khempeuh a lau taktak ding uh hi.

Isaiah 60:14

Nang hong nengniamte’ tate na mai-ah a kunsa-in hong pai ding uh a, nang hong simmawh mi khempeuh na khe mai-ah hong bok ding uh hi. Amaute in nang pen Topa’ khuapi, Israel-te’ Siangtho Pa’ Zion, hong ci ding uh hi.

Isaiah 37:25

Tuikhuk to-in tui ka dawn a, Egypt luituite khempeuh ka galkapte’ khenuai tawh ka keusak hi, na ci hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.

Isaiah 3:14

Topa pen upate le ama mite’ uliante tawh thukhen dingin kipan a, “Leenggui lo a netumte, note na hi uh a, mizawngte’ na a kisutte note’ inn sungah om hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Isaiah 28:3

Israel zukham makaite in a kiphatsakpih kumpi lukhu pen khenuai-ah kituancil ding hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

2 KUMPI NIHNATE 9:33

Jehu in, “Amah hong lawnsuk un,” a ci hi. Tua ahih ciangin amaute in Jezebel lawnsuk uh hi. A sisan pawlkhat kulh tung le sakolte tungah kitheh a, tua ciangin amaute in amah tuancil uh hi.