Isaiah 26:11 - Tedim Bible

¹¹ Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Tedim Bible Revision 2017

¹¹ Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Isaiah 26:11 Referans Kwoze

Hebru 10:27

a kihtakhuai thukhenna le Pasian’ thu a nial mite a kangtum ding meikuangpi bek omlai hi.

Micah 5:9

Israel-te in a gal khempeuh uh zogawpin a susiamang ding uh hi.

Isaiah 5:24

Tua ahih ciangin mei in buhkung keute kangtum a, meikuang sungah lopa keute a kattum bangin amaute’ zung pen muatgawp ding a, amaute’ pakpalhte leivui bangin vanah leengto ding hi. Bang hang hiam cih leh amaute in Vanglian Topa’ thu nialin Israel-te’ Siangtho Pa’ thu a simmawh uh hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.

1 PETER MASA 3:16

Khrih nungzui na hihna hangun na gamtat hoihna uh hong gensia-in hong simmawhbawl a om ciangin a maizum theih nadingun na lungsim uhah kisuanna a om het lo dingin na siangtho om un.

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Jeremiah 44:28

Namsau tawh thahna a thuak kha lo mi tawmkhate, Egypt gam panin Judah gamah hong ciahkik ding uh a, Egypt gamah a teng dingin a pai a nungtalai sunte in kei’ kammal le amau’ kammal koizaw a manin tung, cih a thei ding uh hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Isaiah 60:14

Nang hong nengniamte’ tate na mai-ah a kunsa-in hong pai ding uh a, nang hong simmawh mi khempeuh na khe mai-ah hong bok ding uh hi. Amaute in nang pen Topa’ khuapi, Israel-te’ Siangtho Pa’ Zion, hong ci ding uh hi.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi. Milim a biate in khua mu thei loin, thu theithei lo a, amaute in maizumna a thuak uh hi.

Isaiah 18:3

Leitung a teng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Isaiah 11:13

Efraim in hazatna lungsim a neihnate bei ding a, Judah mi a galbawlte kisusia ding hi. Efraim in Judah haza nawn lo ding a, Judah in zong Efraim galbawl lo ding hi.

Late 86:17

Topa nangmah in kei hong huhin, nong thahatsakna hangin, kei hong mudahte in mu-in a zahhuai nadingun keima tungah na maipha hong lak in.

Late 21:8

Na khut in na galte khempeuh sugawp ding a, na khut taklam in nang hong mudahte sugawp ding hi.

Late 10:12

Tho in, Topa! Pasian aw, na tha hong san inla, a thuakte mangngilh kei in.

JOB (Job) 34:27

Bang hang hiam cih leh amaute in ama thu mang nawn lo uh a, a thupiakte khempeuh don nawn lo uh hi.

1 SAMUEL MASA 6:9

A bawngte in Bethshemesh khua zuanin a paitoh leh siatna lianpi hong bawl pa pen amah hi ding hi. Ahih hangin a paitoh kei leh eite hong susia pa amah hi lo a, eite tungah a piang mawkmawk hi, ci-in i thei ding hi,” a ci uh hi.

Paikhiatna 9:14

Bang hang hiam cih leh leitung khempeuhah kei tawh a kibang khat beek om lo hi, ci-in na theih nadingin hih hunin na inn sungtawng dong le na nasemte le na mite’ tungah ka gimnate khempeuh kong tungsak ding hi.

Luka 16:23

Ahi zongin hell khuk sungah gimna thuakin a om hi. A khuadak leh, gamlapi mun khatah Abraham le Lazaras a omkhawm a galmuh hi.

Late 78:63

Mei in a tangvalte kanglum a, a nungakte’ pasal ding kuamah om nawn lo hi.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi. Kuamah in phelhzo loin amau tegel kangtum khawm ding uh hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kangtum sak hi. Gamlak lopa phate kuangsak a, meikhu lomtangin van lamah kizialto uh hi.

Isaiah 9:19

Vanglian Topa’ hehna hangin meikuang bangin gam sung kang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Isaiah 10:17

Israel-te’ khuavak pen mei suakin, Israel-te’ Siangtho Pa pen meikuang suak ding hi. Ni khat sungin ama lingkungte le lingte kangin beitum ding hi.

Isaiah 37:32

Bang hang hiam cih leh a omlaite, Jerusalem pan ahi zongin a suakta teng, Zion Mual panin ahi zongin paikhia ding uh hi. Vanglian Topa’ deihluatna in hih thu hong tungsak ding hi.

Isaiah 42:13

Mi thahatpa bangin Topa kuankhia a, gal a do mipa bangin ama hehna sosak hi. Amah kiko-in nakpitakin awngkhia a, ama hatna a galte tungah a lak hi.

Isaiah 59:17

Amah in thumanna pen awmdal lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte gim pia-in thukkik nopna lungsim puan bangin a silh ding hi.

Isaiah 63:15

A siangtho, a minthang, nangma omna vantung panin hong ensuk inla hong mu in. Nangma deihsakna le na vangliatna koi-ah omta ahi hiam? Na lungsim’ deihna le nangma hehpihna kote a dingin maimangta hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai ding a, huihpi bangin a leengte hong pai ding hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding hi, a ci hi.

Micah 7:16

Minam dangte in hih thu mu ding uh a, minam thahat hinapi-in a maizum ding uh hi. Lamdang sa-in kam khat zong pau lo ding uh a, hih thu a zakzakna-un a bil uh ngong liang ding hi.

Late 28:5

Amaute in Topa’ nasepnate thupi ngaihsut lo ahih manun, amah in amaute susia-in a donkik nawnkei ding hi.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak ding a, tua natna pen amaute sungah mei bangin kuang niloh ding hi.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.