Isaiah 26:10 - Tedim Bible

¹⁰ Migilote tungah nangmah na migit hangin a manin gamtat ding theithei tuan lo uh a, lungsim thutang mite’ gam sungah amaute in khialhna bawllai veve uh hi. Amaute in Topa’ minliatna hong phawk nuam lo uh hi.

Tedim Bible Revision 2017

¹⁰ Migilote tungah nangmah na migit hangin a manin gamtat ding theithei tuan lo uh a, lungsim thutang miteʼ gam sungah amaute in khialhna bawl lai veve uh hi. Amaute in Topa’ minliatna hong phawk nuam lo uh hi.

Isaiah 26:10 Referans Kwoze

Hosea 11:7

Ka mite in kei kiang panin pial ding ngaihsun tawntung uh ahih manin amaute in kolbulhna thuak ding uh a, kuamah in a kol sutsak lo ding hi.

Mangmuhna 2:21

Tua numei a kisikkik nading hun ka piak hangin a paktatna panin kihei nuam lo hi.

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note a dingin mun nuam hi lo hi.

Jeremiah 2:7

Singgah le a hoih nate na nek theih nadingun an tamna munah kong tunpih hi. Ahih hangin no nong pai uh ciangin ka gam na ninsak uh a, ka neihsa leitang a kihhuai mun na suaksak tazen uh hi.

Thuhilh-sia 3:16

Tua tham loin, hih leitungah gitlohna in thuman thutang a suankhiatna zong ka mu hi.

Paunak 1:32

Bang hang hiam cih leh thu thei lote in pilna a don loh manun sihlawh uh a, mihaite in lunghihmawhna a neih loh manun siatlawh uh hi.

Late 106:43

Amah in amaute tam veipi honkhia hi. Ahih hangin amaute in lehdona lungsim vom uh a, amau’ mawhna hangin amaute a kiniamkoih hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Paikhiatna 9:34

Ahih hangin guah le gialpi le vanging a khawlna Faro in a muh ciangin amah khial lai a, amah le a nasemte in a lungsim uh khauhsak uh hi.

Paikhiatna 8:15

Ahih hangin nopna a omkik lam Faro in a muh ciangin, amah in a lungsim khauhsak a, Topa’ gensa bangin amau’ thu ngai lo hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 9:3

Bang hang hiam cih leh Topa’ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Jeremiah 31:23

Vanglian Topa, Israel mite’ Pasian in hong genin-ah: “Keimah in amaute a gam uhah ka omsakkik ciangin, Judah gam le a khuapite uhah amaute in, ‘Thuman thutak a tenna mual siangtho aw, Topa in thupha hong pia ta hen,’ ci-in a genkik leuleu ding uh hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite le Egypt gam sunga a kihawlkhia mite hong pai-in Jerusalem mual siangtho tungah Topa hong bia ding uh hi.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Isaiah 5:12

Amaute in a pawi sung uhah laiza lasakna le harp lasakna, khuang, tamngai, le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Isaiah 2:10

Topa kihtakna le a lian ama minthanna panin suanghawm sungah lut unla, leihawm sungah bu un.

Late 143:10

Keima Pasian na hih manin nangma deih bangin a gamta dingin kei hong hilh in. Kei hong hehpih inla, lam phei-ah hong kha in.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang pen Israel minamte’ lutang hi lo na hi hiam? Topa in Israel-te tungah kumpi-in nang sathau hong nilh hi.

Isaiah 32:6

Bang hang hiam cih leh mihai in haina thu gen a, a hoihin gamtat loh ding, Topa’ thu a hoih lopi-in gen ding, a gilkialte’ an duhna a phat loh nading le a dangtakte in tui dawn ding a neih theih loh nadingin, ama lungsim in mawhna bawl ding a sawm hi.

Mattiu 4:5

Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpen munah a kahtohpih khit ciangin,

Paikhiatna 9:30

Ahih hangin nang le na nasemte in ahihleh, Topa Pasian na zahtak nai lohna uh ka thei hi,” a ci hi.

Late 69:27

Amau’ gim thuakna banah thuaksak thuahthuah lai inla, nangma tung panin suahtakna ngah kei ta uh hen.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

2 KUMPI NIHNATE 13:6

Ahi zongin Israel a khialhsakna, Jeroboam’ khialhnate panin amaute kihemkhia lo uh a, amaute in tuate zui uh hi. Asherah milim zong Samaria mahah omlai hi.)

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna om ngei napi-in tu-in mi thatte bek a om ta hi.