Isaiah 24:16 - Tedim Bible

¹⁶ Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khemzawh thu mah ciamciam lai uh hi,” ka ci hi.

Tedim Bible Revision 2017

¹⁶ Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu mah ciamciam lai uh hi,” ka ci hi.

Isaiah 24:16 Referans Kwoze

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Jeremiah 5:11

Israel minamte le Judah minamte, Topa in ka cihin-ah, kei’ tungah hong thuman nawn het lo uh hi.

Isaiah 33:1

Hong kisusia nai lo, mi a susiapa aw, tu-in gimna a ngah ding na hita hi. Kuamah in hong khem nai loh, mi khem pa aw, tu-in gimna a ngah ding na hita hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Jeremiah 3:20

Ahih hangin a thuman lo zi in a pasal a nusiat bangin Israel mite aw, Topa in kong cihin-ah, no zong kei tungah nong thuman kei uh hi,’ ci-in va taangko in,” hong ci hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Sawltak 13:47

Bang hang hiam cih leh Topa in kote kiangah thu hong pia khinzo a, ‘Leitung mi khempeuh in hotkhiatna a ngahtheih nadingin Gentail mite’ khuavak ahi dingin ka hong koih hi,’ hong ci hi,” a ci uh hi.

Marka 13:27

Tua ciangin leitung mun khempeuhah vantung mite sawl ding a, leimong khat pan mong khat kikalah a om a teel mite khempeuh a kaikhawmsak ding hi.

Habakkuk 1:3

Bang hangin hih bang siatnate le lungkhamnate hong musak na hi hiam? Kisuksiatna le kisukgawpna in hong umcih a, kitotna le kiselna, mun citengah om hi.

Micah 5:4

Amah in Topa’ thahatna tawh a mite uk ding a, Topa ama Pasian’ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Hosea 6:7

Ahi zongin ka ciamna gam a tun uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan’ khinta uh hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

Isaiah 52:10

Topa in minam khempeuh mai-ah a vangliatna siangtho zangin ama mite honkhia hi. Leitung mi khempeuh in i Pasian’ hotkhiatna mu ding uh hi.

Isaiah 48:8

Note pen muantheih ding na hihlohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Isaiah 28:5

Tua ni ciangin Vanglian Topa pen ama mi a omlaite a dingin minthanna kumpi lukhu le hoihna lukhu hi ding hi.

Isaiah 26:15

Ahih hangin nangmah in ko minam nong khangsak hi. Topa aw, nangmah in ko minam nong khangsak a, gamgi khempeuh na hong keeksak khin hi. Hih thu hangin nangma min a thang hi.

Isaiah 17:4

Tua ni ciangin Jakob’ liatna bei ding a, ama hauhna khempeuh mangthang ding hi.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak ding a, tua natna pen amaute sungah mei bangin kuang niloh ding hi.

Late 106:15

Amah in amaute’ nget pen pia a, ahih hangin amaute lakah natsia a tungsak hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eite’ Pasian’ gualzawhna mu khinta uh hi.

Late 67:7

Pasian in eite thupha hong pia khin hi. Leimong dong mi khempeuhte in amah zahtak uh hen.

Late 58:10

Heh thukna a muh ciangin thuman mipa lungdam ding a, migilote’ sisan sungah amah in a khete sil ding hi.

Late 2:8

Keima tungah hong ngen in; nangma luah dingin minamte ka bawl ding a, leimong dongin na neihsa ka hisak ding hi.

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Jeremiah 12:1

Topa aw, nang tawh thu i kisel ciangin nang a tawntungin na man den hi. Ahih hangin thu khat ka hong dongnuam lai hi. Bang hangin migilote daupai uh a, mikhem hatte gualzo sese ahi uh hiam?

Siampi Laibu 26:39

Note’ sung panin galte’ leitangah a omlaite amau’ mawhna hangin kiam ding uh a, amau’ pute pate a mawhna uh hangin a kiam bangun amau zong a kiam ding uh hi.

Late 65:8

leimong peka omte in na hihna limte a kihtak nadingun a kihtakhuai gamtatna zangin, nong hotkhiatna tawh kote’ ngetna nong pia hi. Nisuahna le nitumna kikalah a om mi khempeuhte lungdamna tawh a awng dingin na bawl hi.

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

Isaiah 11:12

Amah in minamte a dingin lim khat koih ding a, Israel mi a kihawlkhiate kaikhawmin, leitung kiu li panin Judah mi a kikhenthangte kaikhawm ding hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Habakkuk 1:13

Ahi zongin hih a gilo a zuautat mite bangci thuakzawh na hi hiam? Hih bang siatna a mu dingin na mit siangtho lua a, a gamtatsia mite na thuakzo kei hi. Tua ahih manin amaute sangin a dikzaw mite a suksiatna-ah bang hangin daicip na hi hiam?

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kama ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka tengkha hi. Vanglian Topa, Kumpipa ka mukha khinta hi,” ka ci hi.