Isaiah 23:2 - Tedim Bible

² Tuipi gei-a teng mite aw, thumin tau un. Sidon sumbukte aw, na sawltakte un tuipi kantanin tui lianpite tungah om uh hi.

Tedim Bible Revision 2017

² Tuipi gei-a teeng mite aw, thumin tau un. Sidon sumbukte aw, na sawltakte un tuipi kantanin tui lianpite tungah om uh hi.

Isaiah 23:2 Referans Kwoze

Isaiah 47:5

Babylon aw, gamdai takin tu inla, khuamialna sungah pai in; bang hang hiam cih leh nang pen kumpi gamte’ tonu, hong kici nawn lo ding hi.

Habakkuk 2:20

Topa, a biakinn siangtho sungah om hi; leitung mi khempeuh ama mai-ah dai dide-in om ta uh hen.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gennop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Isaiah 41:1

Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Ezekiel 28:21

“Mihing ahi Ezekiel aw, Sidon lam nga inla, a siatna ding thu genkhol in.