Isaiah 22:5 - Tedim Bible

⁵ Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Tedim Bible Revision 2017

⁵ Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Isaiah 22:5 Referans Kwoze

Luka 23:30

Tua hun hong tun ciangin mite in, ‘Mual lian mual neute in hong cipnelhin a si khin hi lehang utzaw hang,’ ci ding uh hi.

Micah 7:4

Amaute lakah a hoihpenin a kineite, lingkung bang hi a, a thutang pena kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tungta a, a lungman’ hun ding uh hong hita hi.

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. A mite khempeuh sila dingin a kipuakhia hi.

Isaiah 37:3

Amaute in Isaiah kiangah, “Hezekiah in, ‘Tuni pen lungkham ni, tai ngah ni, mindai ni ahi hi. Naungek a suah hun tung napi-in a hingkhia zo lo nupi tawh i kibang hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Hosea 10:8

Israel-te in milim bia-in mawhna a bawlna munte kisusia ding a, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong dengcip un,” a ci ding uh hi.

Kah la 2:2

Topa in Judah gam a om khuate khempeuh hehpih loin a susia hi. Amah in a galdalna kulhpite khempeuh balzan gawpin a gam le a gam ukte a maizumsak hi.

Jeremiah 30:7

Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhumzangah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, galsung a si hi lo uh hi.

Mattiu 24:16

Judea gam a om mite, mualtungah tai hen la,

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka lakhia ding a, kinemang ding hi. A gawl ka susia ding a, kituancil ding hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa le Haman zu ne-in om hithiat uh a, ahi zongin Susa khuapi sung buai mahmah hi.

2 KUMPI NIHNATE 25:10

Tua ciangin a cingte a ukpa tawh a om Khaldea mi galkapte khempeuh in Jerusalem kimkota kulhpi susia uh hi.

2 KUMPI NIHNATE 19:3

Amaute in ama kiangah, “Hezekiah in hih bangin ci hi: ‘Tuni pen lungkham ni, hong kitai ni, mindai ni ahi hi. Naungekte a suah hun tung a, amaute hinkhiatna ding thatang om lo hi.

Isaiah 63:3

Mite lak panin kuamah in kei hong huh lo a, keimah guak in leenggah cil bangin minam dangte ka cil hi. Sinsona tawh amaute ka cil a, hehna tawh amaute ka tuancil hi. Ka puan tungah amaute’ si hong kithehgawp a, ka puan khempeuh tungah sisan hong baang khin hi.

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amaute’ sisan leilakah ka thehthang hi.

Ezekiel 7:7

Israel gam sungah a teng note’ beina ding hong tungta ding hi. Mualsang dawn citeng a biakna munte-ah lungdamna om nawn loin buaina bek a omna ding hong naita hi.

Zefaniah 1:15

Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun’ ni,

Kah la 2:8

Jerusalem kulhpi a kipuk ding Topa in a ngaihsutsa ahi hi. A vekpi-in a kisia khin dingin amah in a sehsa ahi hi. Tausangte le kulhpite tu-in kisia khin piikpeek ta hi.