Isaiah 22:1 - Tedim Bible

^1-2 Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhumzangah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, galsung a si hi lo uh hi.

Tedim Bible Revision 2017

^1-2 Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 22:1 Referans Kwoze

Jeremiah 21:13

Mualkuam zang pan kilaamto a, zanglei lak a suangtum bangin a sangto Jerusalem aw, Topa in kong cihin-ah, na langkhatah ka pang ding hi. Nangmah in, ‘Kua in kei hong simsuk ding a, ka omna-ah kua hong lut ding ahi hiam?’ na ci hi.

Late 125:2

Jerusalem kimkotah mualte a om mah bangin ama mite’ kimkotah tua kipan a tawntungin Topa om ding hi.

Joel 3:14

Thukhenna Kuam-ah a tul a thenin om uh hi. Bang hang hiam cih leh tua lai munah Topa’ ni hong tung baih ding hi.

Joel 3:12

“Minam dangte hong kithawi hen la, Jehoshafat Kuam-ah hong kuan suk uh hen. Kimkotah a om minam dang khempeuh’ thu a khen dingin Topa ahi keimah, tua munah ka tu ding hi.

Isaiah 15:3

Kongzing lakah amaute in puanhampi silh uh hi. Innkhumzang le kongzing lampi kituahnate-ah mi khempeuh nakpi-in kapin khitui tawh a kawt uh hi.

ROM (Romans) 3:2

Lam tampi-ah a phattuamna a om hi. A masa penin, Pasian in Jew mite tungah ama thute a gen hi.

Micah 3:6

“Keima mite lam khialsak na hih manun mailam thu gentheihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, note’ hun beita ding a, ni in hong tumsan ta ding hi,” ci hi.

Jeremiah 48:38

Moab gam innkhum khempeuh le lam lianpi khempeuhah kahna bekbek a om hi. Bang hang hiam cih leh Topa in kong cihin-ah, leibeel suktap bangin Moab gam ka sutam a, kuamah in phamawh a sa kei hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

Paunak 29:18

Pasian’ lamlahna a kizuih lohna gamah gam sung mite phengtat gawp uh hi. Pasian’ thukham a zui mite ahihleh a lungdam uh hi.

Late 114:5

Tuipi aw, na taikhiatna ding, Jordan gun aw, na nungkikna ding,

2 KUMPI NIHNATE 6:28

Tua ciangin kumpipa in tua nu dongin, “Na lungkhamna bang ahi hiam?” a ci hi. Amah in dawngin, “Hih numei in kei kiangah, ‘Tuni-in amah i nek theih nadingin na tapa hong pia in; zing ciangin keima tapa i ne ding hi,’ hong ci hi.

2 SAMUEL NIHNA 14:5

Tua ciangin kumpipa in ama kiangah, “Na lungkhamna bang om ahi hiam?” a ci hi. Amah in dawngin, “Kalai, ka pasal si ta a, meigong numei khat ka hi hi.

1 SAMUEL MASA 11:5

Tu-in Saul a bawngtalte’ nung zui-in lo panin hong ciah hi. Saul in, “Amaute a kah nadingin bang in mite nasak ahi hiam?” a ci hi. Tua ahih ciangin amaute in Jabesh mite’ thute ama kiangah a gen uh hi.

1 SAMUEL MASA 3:1

Tu-in Eli’ khutnuai-ah naupang Samuel in Topa’ na sem hi. Tua hun lai-in Topa in thu genmun lo a, maangmuh ommun lo hi.

Thukhente 18:23

Amaute in Dan mite a otsan uh ciangin Dan mite hong kihei-in Mikah kiangah, “Hih bang mihon tawh nong delh nading bang thu om ahi hiam?” a ci uh hi.

Thu-hilhkikna 22:8

“Na inn tung panun mi khat kia-in mi sihna hanga mawhna na innsung uhah na tunsak khak loh nadingun inn thak na lam uh ciangin na innkhumzang uhah tangban na khung ding uh hi.

Piancilna 21:17

Pasian in naupang’ kahna aw a za hi. Pasian’ vantungmi in vantung panin Hagar sam a, ama kiangah, “Hagar aw, bang in hong lungkhamsak ahi hiam? Lau kei in. Bang hang hiam cih leh naupang a omna munah a kahna awging Pasian in za hi.

Mattiu 10:27

Zan khuamial sunga kong gente, sun khuavak sungah taangko unla, a simthamin kong huau thute, innkhumdawn zangah na taangko un.

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Jeremiah 19:13

Jerusalem khua-a innte le Judah kumpite’ innte a kipan, innkhum zangah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangte’ kiangah tuidawn biakna a piakna uh innte zong a haltum ding hi.

Jeremiah 32:32

Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khuamite khempeuh in kei hong hehsak nadingin siatna a bawl uh hi.

Zefaniah 1:5

Innkhum zangah kahto-in, ni, kha, le aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.