Isaiah 21:2 - Tedim Bible

² A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Tedim Bible Revision 2017

² A kihtakhuai maangmuhna khat kei tungah hong kigen hi. A sut zo mipa in sut a, a susia zo mipa in susia hi. Elam galkapte aw, kuan to un. Media galkapte aw, umcih un. Babylonʼ piansak khuisatnate khempeuh Pasian in beisak ta hi.

Isaiah 21:2 Referans Kwoze

Jeremiah 49:34

Judah gamah Zedekiah kumpi a suah tungin Elam gam tawh kisai-in Topa in kei tungah thu hong gen hi.

Isaiah 33:1

Hong kisusia nai lo, mi a susiapa aw, tu-in gimna a ngah ding na hita hi. Kuamah in hong khem nai loh, mi khem pa aw, tu-in gimna a ngah ding na hita hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 24:16

Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khemzawh thu mah ciamciam lai uh hi,” ka ci hi.

Late 60:3

Nangmah in na mite a haksa na thuaksak khin hi. Ka dawn dingun ko a hong hoisak leenggahzu na hong pia khin hi.

Daniel 5:28

Parsin pen kikhen cihna hi a, na gam kikhen khamin Media le Persia-te a kipiazo hi, a cihna ahi hi,” a ci hi.

Daniel 8:20

Na muh ki nih a nei tuutal pen Media le Persia gam kumpite a cihnopna ahi hi.

Kah la 1:22

A gitlohna hangun amaute tungah thu khen in. Ka mawhna hangin gim nong piak mah bangin amaute zong gim pia in. Gimna ka thuak manin ka tautau a, ka lungsim a gim mahmah hi.

Jeremiah 51:53

Babylon khua vantungah kahto thei a, a sangpi-ah kiptakin galdalna a bawl thei ahi zongin, Topa in kong cihin-ah, kei’ kiang panin amah a suankhia ding mi a hong pai teitei ding hi.

Jeremiah 51:44

Babylon khuate’ pasian Bel zong gim ka pia ding a, a na guksa teng ka lakkhiatsakkik ding hi. Gamdangte in amah bia nuam nawn lo ding uh hi. Babylon khuakulhpi kicim khinta hi.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topa’ thukkikna ahi hi.

Jeremiah 50:34

Ahih hangin amaute a honkhia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute a dingin a sem ding hi.

Jeremiah 50:14

“No thal tawite khempeuh aw, Babylon khua a sim dingin a kimkotah gal pang un. Thaltang khat beek siit loin kap un. Bang hang hiam cih leh Topa’ tungah a khialzo uh hi.

Jeremiah 45:3

Nangmah in, ‘Gimna thuak ing! Bang hang hiam cih leh Topa in ka dahna le ka natna hong behlap hi. Ka tautauna-in ka gim khinzo a, ka tawlnga thei kei hi,’ na ci hi.

Jeremiah 31:25

Bang hang hiam cih leh a gim mite ka tawldamsak ding a, gilkialin a thazawm mite khempeuh an ka vak kham ding hi,” a ci hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngong bawl mahmah hi.

Isaiah 35:10

Topa’ hotkhiatsa mite hong ciahkikin, lungdam tawntungna mai pua-in la sa kawmin Jerusalem-ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

Isaiah 22:6

Sakol leengte le sakol tung tuangte tawh Elam galkapte in thallawng pua uh a, Kir galkapte in a lumte uh a baihsa-in nei uh hi.

Paunak 13:15

Thungaihsut theihna maipha ngahna hi a, zuautatna in lungkhamna bek piangsak hi.

Late 79:11

Thongkiate’ tauna ngai inla, thah dingin a kisehte na vangliatna tawh kizui-in suaktasak in.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

1 SAMUEL MASA 24:13

Tang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut tawh nang kong hih kei ding hi.

2 KUMPI NIHNATE 17:6

Hoshea’ kum kuana kumin Assiria kumpipa in Samaria la a, amah in Assiria-ah Israel mite ciahpihin Halah gam sung, Gozan gam a om Habor gun gei, le Media khuapite sungah amaute a koih hi.

Late 25:3

Nangmah a hong ngakte kuamah zahhuaisak kei in. Thukhual loin a zuau theite zahhuaisak in.

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

Daniel 5:9

Tua tak ciangin kumpi Belshazzar lungkham mahmahin a mel daang semsem a, a miliante in a cih nading mel a thei kei uh hi.

Piancilna 10:22

Shem’ tapate: Elam, Asshur, Arpakshad, Lud, le Aram ahi hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Isaiah 14:4

Babylon kumpipa tungah hih zahkona kam na zang ding uh a, “Kumpi gilo pa pukta a, amah in kuamah nengniamzo nawn lo ding!

Isaiah 14:7

Leitung khempeuh tawlnga-in gamdai takin omta uh a, amaute inla sa-in kiko uh hi.

Jeremiah 25:25

Zimri kumpite khempeuh, Elam kumpite khempeuh, le Media kumpite khempeuh;

Jeremiah 49:35

Vanglian Topa in a cihin-ah: “En in, Elam gam’ hatna bulpi ahi a thalpite ka kuaitan ding hi.

Daniel 8:2

Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei-ah ka ding hi.