Isaiah 2:6 - Tedim Bible

⁶ Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang mite’ ngeina zui uh ahih manin Jakob suanlekhak, na mite nang na nial hi.

Tedim Bible Revision 2017

⁶ Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang miteʼ ngeina zui uh ahih manin Jakob suanlekhak, na mite nang na nial hi.

Isaiah 2:6 Referans Kwoze

ROM (Romans) 11:20

Tua pen thuman ahi hi. Amaute in a up lohna hangun a kisatkhia hi a, note in na upna hangun amaute’ munah a om na hi uh hi. Tua ahih manin kiphatsakna lungsim nei kei unla, lamdangsakna tawh om khikhe zaw un.

2 KUMPI NIHNATE 1:2

Samaria-a a inndei tungnung innliim panin Ahaziah kia-in a liam hi. Tua ahih ciangin amah in kamtaite sawlin amaute kiangah, “Pai un, hih natna panin ka damkikzo ding hiam cih thu Ekron pasian, Baalzebub kiangah va dong un,” a ci hi.

Kah la 5:20

Bang hangin sauveipi hong pampaih na hi hiam? Kote hong phawkkik nawn lo takpi ding na hi hiam?

Jeremiah 10:2

Topa in hih bangin ci hi: “Gamdangte’ omdan ciing kei unla, vantung a lim lamdangte lunghihmawhna-in ngaihsun kei un. Bang hang hiam cih leh gamdang mite in tuate a lunghihmawhpih uh hi.

Isaiah 8:19

Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amau’ pasian-te thu dongin, mihingte’ thu pen misite dot ding mah hi lo ahi hiam?” hong ci ding uh hi.

Paunak 6:1

Ka ta aw, na lawmte khatpeuh in sum leitawi a lak ciangin a lohzawh kei leh ama tangin a lohsak dingin kam na ciamkha hiam?

Late 106:35

Minam dangte tawh kihelin amau’ gamtat bangbang a gamta dingin a kisin uh hi.

Nehemiah 13:23

Tua hun lai mahin zong Judah mite in Ashdod numei, Ammon numei, le Moab numeite a tenpihna,

2 KHANG TANGTHU NIHNATE 24:20

Tua ciangin siampi Jehoiada’ tapa Zekhariah’ sungah Pasian’ kha hong lut hi. Tua ciangin amah dingin mite en sukin mite kiangah, “Pasian in hih bangin ci hi: ‘Bang hangin na mavan’ theih loh nadingun Topa’ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topa’ thupiakna a zuih lohna, le vankah khat thu dongin a lamlah ding a zonna,

Gamlak-vakna 23:7

Balaam in a thugen ding teng genin: “Aram panin Balak in kei hong paipih a, nisuahna mualte panin Moab kumpipa in kei hong paipih hi: ‘Hong pai in, Israel mite mawhsak in!’ hong ci hi.

Siampi Laibu 20:6

“Mi khat vankahna le aisan lamah kihei-in tuate thu a dot leh, keimah in tua mipa ka maisiat ding a, ama mite lak panin amah ka hawlkhia ding hi.

Siampi Laibu 19:31

“Vankahte le aisanna lamah kihei kei un. Amaute tawh a kininsak dingin amaute zong kei un; kei pen Topa na Pasian uh ka hi hi.

Paikhiatna 34:16

note in amau’ tanute na tapate uh a dingin la-in, amau’ pasian-te tawh paktatna a bawl a tanute in amau’ pasian-te tawh na tapate uh paktatsak kha ding uh hi.

Paikhiatna 22:18

“Numei aisan nu na hingkhawi kei ding uh hi.

1 SAMUEL MASA 6:2

Tua ciangin Filistia-te in siampite le aisante sam uh a, “Topa’ Thuciamna Singkuang bang cih ding ihi hiam? Ama omna munah bang tawh kha ding ihi hiam, hong gen un,” a ci uh hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuaizaw gul gunei hong om ding a, tuate pen a leng thei gulpi hong hi ding uh hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paimangta hi. Ka it mahmah ka mite, a galte uh’ khut sungah ka piata hi.

Micah 5:12

Na mitphial siamte uh susia gawpin, ai a san thei mi kong omsak nawn kei ding hi.

Zefaniah 1:8

Topa in hih bangin thu gen a, “Tua bangin mite a kigawh ni-in, uliante le kumpipa’ tapate, le gamdangte’ ngeina a zuite khempeuh, gim ka pia ding hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migilote’ khut sungah amaute a pia hi.

Micah 5:11

Na gam sung uha om khuapite susia-in, na galpanna munte uh ka phelkhia ding hi.