Isaiah 2:4 - Tedim Bible

⁴ Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Tedim Bible Revision 2017

⁴ Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Isaiah 2:4 Referans Kwoze

Micah 4:3

Amah in minam tampite’ thu khensak ding a, Israel gam panin a gamla pekah a om, minam vangliante’ thu khensak ding hi. Amaute in a namsaute uh lokhawhna tu-in seek ding uh a, a teipite uh singhiang heuhna temkawi-in seek ding uh hi. Minam khatlekhat kido nawn lo ding uh a, galkidona theikha nawn lo ding uh hi.

Hosea 2:18

Tua ciangin, ka mite a suksiat loh nadingun gamlak a om gamsate, huih lak a leeng vasate le leitungah a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiatkhia ding hi. A lungmuang hithiatin ka mite ka omsak ding hi.

Zekhariah 9:10

Galkidona leengte Israel gam pan beisakin, sakol galkapte, Judah gam pan ka lakhia ding a, galdona a kizang thalte kisusia ding hi. Na kumpipa un minam dangte lakah kilemna thu gen ding a, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Isaiah 32:18

Ka mihingte pen kilem takin a tenna, lungmuang takin a omna, daitakin a tawlngakna munah om ding uh hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Joel 3:10

Lokhawhna tute namsau-in seek unla, singhiang heuhna temkawite teipi-in seek un. A thahat lote nangawn in do uh hen.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in leimong dongah thu khen ding hi. Amah in ama kumpipa tungah thahatna pia ding a, a sathau nilh pa’ vangliatna sangsak ding hi,” a ci hi.

Late 82:8

Pasian aw, tho in; leitung mite thu khen in. Bang hang hiam cih leh minam khempeuh nangma a’ ahi hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Isaiah 9:5

Galkap hangte’ khedap khempeuh le si a baang puan khempeuh mei-in kicih ding hi.

Late 110:6

Kumpipa in minamte lakah thu khen ding a, tua munte si luanghawm tawh a dimsak ding hi. Amah in a zai mahmah leitungah ukpite a susia ding hi.

Isaiah 32:17

Tua ciangin thumanna hangin nopna om ding a, thumanna hangin daihna le lungmuan tawntungna om ding hi.

Isaiah 33:22

Bang hang hiam cih leh Topa pen eite’ thukhen, Topa pen eite hong ukpa, Topa pen eite’ kumpi ahi hi. Amah in eite hong honkhia ding hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Joel 3:12

“Minam dangte hong kithawi hen la, Jehoshafat Kuam-ah hong kuan suk uh hen. Kimkotah a om minam dang khempeuh’ thu a khen dingin Topa ahi keimah, tua munah ka tu ding hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Isaiah 42:3

Amah in a zawngkhal mite dop bawl ding a, a cimawh mite tungah migi ding hi. Amah in thumanna tawh mi khempeuh tungah thutang thu semkhia ding hi.

Hosea 2:20

Kei-a’ ahi tawntung dingin nang kong la ding hi. Tua ciangin Topa ka hih lamtak nong thei ding hi.