Isaiah 2:3 - Tedim Bible

³ mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Tedim Bible Revision 2017

³ mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakobʼ Pasianʼ inn, Topa’ mualah pai to ni,” a ci ding uh hi. Bang hang hiam cih leh Topa in Zion panin thu hong gen dinga, Jerusalem khua panin Topa’ thuhilhna hong paikhia ding hi.

Isaiah 2:3 Referans Kwoze

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Late 110:2

Topa in Zion panin na kumpi ciangkhut hong puak hi. Na galte’ tungah uk in.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Thu-hilhkikna 6:1

“Tu-in, luah dinga na paina gam uhah na zuih dingun, note le na tapate uh le na suanlekhakte un Topa note’ Pasian’ thukhamte le a thupiakte na zuihna uh tawh amah na zahtak theih nadingun, Topa na Pasian un na nuntak tawntung uh na zuih dingun kei a hong hilh sawnsak thute pen hih thupiakna, thukhamte, le ngeina kipte ahi hi. Hihte pen na khan uh a sau theih nading ahi hi.

Jeremiah 31:6

Bang hang hiam cih leh Efraim mualtung panin galvilte in, ‘Tho un! Topa i Pasian kiang Zion khua-ah va pai ni,’ ci-in a hong kiko hun uh hong tung ding hi,” hong ci hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amau’ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Jeim 1:25

Ahi zongin mite a suaktasak thei thukham cingtaak hoihtakin a et khit ciangin a thu ngai-in a mangngilh pah hi loin, hoihtakin ngaihsun tawntungin a zuite pen a sepna khempeuh uhah Pasian in thupha a pia ding hi.

Sawltak 10:33

Tua ahih manin nang kong samsakpah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasian’ omna hih lai munah a om ka hi uh hi,” ci-in a dawng hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Johan 4:22

No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Thu-hilhkikna 33:19

Amaute in a mual uhah mite sam ding uh a, amaute in tua lai-ah biakpiakna mante pia ding uh hi. Bang hang hiam cih leh amaute in tuipi tung le sehnel sungah na manpha kiseelte ngah uh hi,” a ci hi.

Late 48:1

Topa lian a, i Pasian’ khuapi sungah nakpitakin phat ding ahi hi.

Late 119:171

Na ngeina kipte kei hong hilh na hih manin kong phat tawntung ding hi.

Late 122:1

Amaute in kei tungah, “Topa’ inn-ah pai ni,” hong cih uh ciangin kei ka kipak hi.

Isaiah 28:9

Amaute in kei hong phunsan uh a, “Amah in kua tungah hilh a, kua tungah thugen-a kinei ahi hiam? Angsung panin a kilakhia, nawi tawh a kikhen tung naungekte a hilha kinei ahi hiam?

Isaiah 56:5

ka innsung le ka huang sungah tanu le tapate sangin a hoihzaw phawkna le min ka pia ding a, a mang ngei nawn lo ding a kip tawntung min amaute tungah ka pia ding hi.

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Isaiah 60:3

Nangma khuavak sungah minam dangte hong pai ding uh a, nangma taankhiatna sungah kumpite hong pai ding uh hi.

Isaiah 65:11

“Ahih hangin kei a hong nusia, ka mual siangtho a mangngilh, Gad pasian a dingin sabuai phahin, Meni pasian a dingin zu helsa hai sungah a dim note pen,

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn-ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte, le late, kalaoh hatte tungah hong pua-in ka mual siangtho Jerusalem-ah hong paipih ding uh hi, Topa in ci hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhte’ kiangah, ‘Lo dingin Zion mual a kikho ding hi. Jerusalem khua kisia zan ding a, biakinn mual, gamlak a suak ding hi, ci-in Vanglian Topa in gen hi,’ ci hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Esther 9:27

Jew mite amau mahmah, le a suan a khakte uh, le amau a pawlpih khempeuh in lai sunga kigelh bangin a kiseh hunin kum simin hih ni nihte a pel loin a tan’ ding uh kipsak uh a,

Late 102:23

Amah in kei a khangtung kimlai ka thahatna hong suktat sakin, ka hunte hong khiapsak hi.

Isaiah 1:26

A masa-a bangin na thukhente, a kipat cil-a bangin na upate ka koihkik ding hi. Tua khit ciangin nang pen thuman khuapi, thutak khuapi, hong kici ding hi,” a ci hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 19:23

Tua ciangin Egypt gam panin Assiria gamah lam lianpi khat pai-in, Assiria mite Egypt gamah hong pai ding a, Egypt mite Assiria gam sungah pai-in, Egypt mite in Assiria mite tawh biakhawm ding uh hi.

Isaiah 44:5

“Khat in, ‘Kei pen Topa ka hi hi,’ ci-in, adang khat in Jakob min tawh ama min lo ding a, adang khat leuleu in, ‘Topa-a’, ci-in ama khut tungah gelhin, Israel min tawh amahmah kinophuah ding hi,” ci hi.

Jeremiah 12:16

Tua ciangin, ka mite’ omdan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uhleh ka mite lakah kiptakin a om ding uh hi.