Isaiah 2:22 - Tedim Bible

²² Mihingte muanin nei nawn kei un. Amaute leltak banga simtham ding ahi hiam?

Tedim Bible Revision 2017

²² Mihingte muanin nei nawn kei un. Amaute leltak banga simtham ding ahi hiam?

Isaiah 2:22 Referans Kwoze

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

Late 146:3

Huhna a hong pia thei lo uliante ahi a, mi mawkmawkte ahi zongin muang kei un.

Jeim 4:14

Zing ciangin na nuntakna uh bangci ding cih nangawn na thei kei uh hi. Meiilum tawlkhat sung kaii-in a mangthang pak tawh a kibang lel na hi uh hi.

Late 8:4

na ngaihsut tham dingin mihing bang hi lel a, na phawk tham dingin mihing’ ta bang hi lel ahi hiam?

Isaiah 40:15

En un, minamte pen phelkhai khat panin tuimal themkhat a taakkhia tawh kibang a, tawitehna tungah a om leivui nengbaang bangin kingaihsun lel hi. Amah in tuikulhte pen leivui them bangin tawmto lel hi.

Late 62:9

Mihingte ahihleh husan’ bang bek hi a, a lian a neu kibang lel hi. Tawi a kikhai ciangin amaute in leek lo uh a, amaute a kigawmin husan’ sangin zangzaw hi.

Piancilna 7:22

Leitungah a om, nuntakna hu a nei peuhmah a si uh hi.

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

JOB (Job) 27:3

ka sungah nuntakna a omlaiteng, Pasian’ hu, ka nakah ka diik laiteng,

Isaiah 40:17

Minam khempeuhte, ama mai-ah bangmah tham hi lo a, amaute pen bangmah a om lo le, a hawmguak sangin a tawmzaw-in amah in a ngaihsun hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Malakhi 3:15

I muhna bang leh, mi kiphasakteng mah in thupha ngahin nuamsa uh hi. Mi gamtatsiate ahihleh citheibek loin, a gamtatsiatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.