Isaiah 19:5 - Tedim Bible

⁵ Nail guntuite keu ding a, guntui kangcipin keu ding hi.

Tedim Bible Revision 2017

⁵ Nail gun tuite keu dinga, gun tui kangcipin keu ding hi.

Isaiah 19:5 Referans Kwoze

Jeremiah 51:36

“Tua ahih manin Topa in kong cihin-ah: En un, na thu uh ka hong sepsak ding a, note a dingin ka hong thuksak ding hi. A bual ka keusak ding a, a ciktui ka kangsak ding hi.

Ezekiel 30:12

Nail Gun a tui ka kangsak ding a, migilote’ khut sungah Egypt ka koih ding hi. Gamdang mite in susia gawpin, gamkhing suaksak ding uh hi, Topa ahi keimah in ka ci khin hi.

Zekhariah 14:18

Tua gualzawhna pawi a bawl dingin Egypt mite a painop kei leh, tua bangin a pai nuam lo minamte’ thuak ding gimnate mah, amau’ tungah a tung ding hi.

Zekhariah 10:11

Amaute in lungkhamna tuipi a phutkhak uh ciangin keimah in tuihualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Egypt in a vangliatna taan ding hi.

JOB (Job) 14:11

“Gun tuite le tuipi tuite a kan’ hun om thei ding hi.

Isaiah 15:6

Nimrim luite kang hi. Lopa keu-in a selthak om lo a, lopa hing om nawn lo hi.

Isaiah 23:11

Topa in tuipi tungah a khut zan a, kumpi gamte lumlet gawp hi. Sumbawlna phualpite a kisuksiatna ding Topa in thu piazo hi.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khahkhiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Isaiah 37:25

Tuikhuk to-in tui ka dawn a, Egypt luituite khempeuh ka galkapte’ khenuai tawh ka keusak hi, na ci hi.