Isaiah 19:11 - Tedim Bible

¹¹ Zoan uliante hai cihtakin hai uh a, Faro’ mipil thu lamlakte in thu haihuai gen uh hi. Nang in Faro’ tungah, “Mipil pa’ tapa ka hi hi; tanglai kumpite’ tapa ka hi hi,” bangci-in ci thei ding na hi hiam?

Tedim Bible Revision 2017

¹¹ Zoan uliante hai cihtakin hai uh a, Faroʼ mipil thulamlakte in thu haihuai gen uh hi. Nang in Faroʼ tungah, “Mipil paʼ tapa ka hi hi; tanglai kumpiteʼ tapa ka hi hi,” bangci-in ci thei ding na hi hiam?

Isaiah 19:11 Referans Kwoze

Gamlak-vakna 13:22

Amaute Negeb lamah paito uh a, Hebron tung uh hi. Anak’ suanlekhakte ahi Ahiman mite, Sheshai mite, le Talmai mite, tua lai-ah na om uh hi. (Hebron pen Egypt gam a Zoan a kisat ma kum sagih lai-in kisat hi.)

Sawltak 7:22

Egypt gam sunga pilna om khempeuh ama tungah kihilh a, thugenna le nasepna-ah milian mahmah khat a suak hi.

Isaiah 30:4

Bang hang hiam cih leh amau’ uliante Zoan khua-ah va tung uh a, amau’ tangmite in Hanes khua a va phak uh hangin,

1 KUMPI MASATE 4:30

Solomon’ pilna in nisuahna lam mi khempeuh le Egypt pilna khempeuh khumlet hi.

Late 78:12

Egypt gam sung Zoan munah, a pu a pate uh’ muhna-ah amah in nalamdang a bawl hi.

Ezekiel 30:14

Egypt gam khanglam Pathros gamteng gamkhing ka suaksak ding a, Egypt gam saklamah a om Zoan khuapi ka hal ding a, kumpi khua ahi Thebes, gim ka pia ding hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Jeremiah 49:7

Edom gam tawh kisai-in Vanglian Topa in a genin-ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh beita ahi hiam?

Jeremiah 10:21

Bang hang hiam cih leh makaite hai khin uh a, Topa’ deihna dong lo uh hi. Tua thu hangin amaute mapai lo uh a, a mite uh kithehthang mang hi.

Jeremiah 10:14

Mi khempeuh hai-in pilna nei lo khin uh a, kham seekte khempeuh in a milimte uh a maizumlawh uh hi. Bang hang hiam cih leh a milimte uh zuau hi lel a, nak thei lo uh hi.

Isaiah 44:25

Zuau thugente’ hilhkholhna limte a siasak pa, aisante pen mihai a suaksak pa, mipilte lehhei kikin, amau’ thutheihte haina a suaksak pa;

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Isaiah 19:13

Zoan uliante mihai suak khin uh a, Memfis uliante zong hai khin uh hi. Minamte a makai dinga kineite in a mite uh lam khialhpih khin hi.

Isaiah 19:3

Egypt mite’ lungsim hawmsuak ding a, amau’ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

Paunak 30:2

Ka hai lua a, mihing ka sun kei hi. Mihing bangin ngaihsut siamna ka nei kei hi.

Late 92:6

Migilote, lopa bangin selkhia-in, siatna bawl khempeuh a pun’ mahmah hangun, a tawntungin siatna a thuak ding uh ahi hi. Ahih hangin Topa aw, nang pen a sangna-ah a omden na hihna thu, lungsimmawl mi in theithei lo a, lungsim tei lo mi in tel thei lo hi.

Late 73:22

keimah hai-in bangmah ka thei kei a, nangma mai-ah ganhing tawh ka kibang hi.

Late 33:10

Topa in minamte’ thungaihsutna a mawkna suahin, mite’ geelna a khaktan hi.

JOB (Job) 12:17

Amah in mipilte’ pilna susia-in, makaite pen mihai bangin gamtasak hi.

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topa’ thu nial uh hi. Bang pilna nei nawn ahi uh hiam?

Jeremiah 46:17

“Egypt kumpipa Faro, min thak khat pia unla, ‘Kam si bekin hun mawk beisak pa,’ ci ta un.

Ezekiel 28:17

Na melhoihna na kisaktheihpih kha a, na minthanna in nang hong haitatsak hi. Leilak ka hong denna a, kumpi dangte hilhkholhna-in nang ka hong koih hi.

Obadiah 1:7

Na pawl teng in nang hong khemzo uh a, gamgi ciang dong hong hawlkhiazo uh a, na pawl teng in a hong zo khinta uh hi. Na ankuang umpihte in na nuai-ah thang hong siah khin uh a, “A pilna koi-ah om ahi hiam?” a hong ci uh hi.

Paikhiatna 8:4

Uiphukte, nang’ tung le na nasemte khempeuh tungah hong pai ding hi,” ci hi,’ ci-in gen in,” a ci hi.

Paikhiatna 8:14

Amaute in a lomlomin tuate khawm uh a, gam sung teng uih hi.

1 KUMPI MASATE 5:10

Tua ahih ciangin Hiram in ama deih taamtak le taaksan singte Solomon pia a,

Obadiah 1:8

Topa in: “Tua ni ciangin Edom sung pan a mipilte ka susia ding a, Esau’ gamah pilna ka beisak ding hi,” a ci hi.