Isaiah 18:3 - Tedim Bible

³ Leitung a teng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Tedim Bible Revision 2017

³ Leitung a teeng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

Isaiah 18:3 Referans Kwoze

Isaiah 5:26

Amah in a gamlapi-a om minam khat a sapna-in lim khat lak a, leimong panin hong pai nadingin a sam hi. Manlang takin tua mite hong pai pah hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Mattiu 13:16

Ahi zongin note’ mit in mu-in na bil un za ahih manin a hampha mahmah na hi uh hi.

Mattiu 13:9

“Zak nading bil a neite in hih thu na za ta un,” ci-in Jesuh in a thugen a khum hi.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Micah 6:9

Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Micah 6:2

No mual liante le a kip tawntung leitung bulpite aw, Topa’ thu ngai un. Topa in ama mite tawh thu nei a, Israel tawh thu kisel ding hi.

Jeremiah 22:29

Aw ka gam, ka gam aw, Topa’ kammal ngai dih ve’n!

Isaiah 13:4

Ngai un, mihonpi lungdam bangin mualtungte ah gamlumna! Ngai un, minamte’ kumpi gamte kikhawmin a gamlumna! Vanglian Topa in galdo dingin mihon khat kaikhawm hi.

Isaiah 13:2

Mualkolh tungah lim khat lakto unla, galkapte tungah nakpitakin kiko un. Miliante’ kongpi-ah amaute va pai-in a sim nadingun amaute khut vaan un.

Isaiah 7:18

“Tua ni ciangin Egypt luite’ nakah a om Egypt mite, thopi hon bangin hong pai nading le Assiria mite, a gam panun khuaipi hon bangin hong pai nadingun Topa in sam ding hi.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

Isaiah 31:9

Amau’ belh a kumpipa uh a launa hangin tai ding a, buaina hangin a uliante in a dialkhai uh taisan ding uh hi,” ama meikuang Zion-ah a om, ama meikhuk Jerusalem khua-ah a om Topa in ci hi.

Isaiah 49:22

Topa Pasian in, “En in, minamte tungah ka khut ka laamto ding a, mite tungah ka lim ka lakto ding hi. Amaute in a angsung uhah na tapate tawi-in hong paipih ding uh a, a liangko tung uhah na tate hong pua ding uh hi.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni, le Ashkenaz gamte simsak un. Makai khat teel unla, kauphe honpi zahin a tam sakolte va la un.

Micah 1:2

No minam khempeuhte aw, hih thu za un: Leitungah a teng mi khempeuhte aw, hih thu ngai un: Note’ langkhatah Topa Pasian in teci pang a, a vantung biakinn panin thu hong gen hi.

Isaiah 11:12

Amah in minamte a dingin lim khat koih ding a, Israel mi a kihawlkhiate kaikhawmin, leitung kiu li panin Judah mi a kikhenthangte kaikhawm ding hi.