Isaiah 17:7 - Tedim Bible

⁷ Tua ni ciangin mite in amaute a Bawlpa pi ngaihsut ding uh a, amaute’ mit in Israel-te’ Siangtho Pa en ding uh hi.

Tedim Bible Revision 2017

⁷ Tua ni ciangin mite in amaute a Bawlpa pi ngaihsut ding uh a, amauteʼ mit in Israel-teʼ Siangtho Pa en ding uh hi.

Isaiah 17:7 Referans Kwoze

Micah 7:7

Ahi zongin ke’n ahihleh Topa mah ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Isaiah 29:24

Lungzingin a khial mite in thu theitel ta ding uh a, a phunphun mite in thuhilhna ngai ta ding uh hi,” a ci hi.

Isaiah 22:11

Nangmah in, bual lui pana tuite khol nadingin kulhpi nih kikalah tuibempi khat na bawl hi. Ahih hangin nangmah in, tua na a na bawlpa phawk loin, sawtpekin a na geel pa na don kei hi.

Isaiah 19:22

Topa in Egypt mite sat ding a, ahi zongin damsakkik ding hi. Topa’ lamah amaute kihei kik ding uh a, amah in amaute’ thumna donin amaute a damsak ding hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite-ah pai-in biakna songte sat khamin Asherah milimte phukin, Judah le Benjamin sung, le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah a ciah uh hi.

2 SAMUEL NIHNA 22:42

Amaute khuadak uh a, ahih hangin a honkhia ding kuamah om lo hi. Topa’ tungah hong ko uh a, ahih hangin amah in amaute dawng lo hi.

Late 95:6

Hong pai un, amah bia-in kun ni. Eite hong Bawl Topa’ mai-ah khukdin ni.

Amos 3:12

Topa in hih bangin ci hi: Humpinelkai’ nek baang tuu khebom nih ahi a, a bil themkhat bek ahi zongin tuucingpa in a ngah tei mah bangin, tutphah nip kiu khat le lupna themkhat tawh a kibang, Samaria sungah a om Israel mi tawmno khat suakta tei ding hi.