Isaiah 17:5 - Tedim Bible

⁵ An a la mi in ankung ding laite kaikhawmin ante a kilak khit ciangin leitang a hawm guakin a om tawh kibang ding a, mi khat in Refaim Kuam sungah ansang a kaihkhop khit ciangin lolai a hawm guakin a om tawh zong kibang ding hi.

Tedim Bible Revision 2017

⁵ An a la mi in ankung ding laite kaikhawmin ante a kilak khit ciangin leitang a hawmguakin a om tawh kibang dinga, mi khat in Refaim Kuam sungah ansang a kaihkhop khit ciangin lo lai a hawmguakin a om tawh zong kibang ding hi.

Isaiah 17:5 Referans Kwoze

Mattiu 13:30

Anlak hun mateng a nam nihin tuaci om phot hen. Anlak hun ciangin anlate kiangah, “Tahumte bot masa unla, meikhukah khul dingin lomhen un. Ahi zongin taangte la-in ka ansal-ah hong sung un,” ka ci ding hi,’ ci hi,” a ci hi.

Joel 3:13

Amaute gilo mahmah uh ahih manin anlak huna buhsi bangin at gawp unla, leenggahtui dawhna a dim letin a luang, leenggah cilna kuang sunga om leenggah bangin tuancil gawp un,” a ci hi.

Jeremiah 51:33

Vanglian Topa, Israel-te’ Pasian in ka hong genin-ah, Babylon mite tawlkhat khit ciangin anlak bangin kila ding a, sual tunga ancil bangin a kicilgawp ding hi.

2 SAMUEL NIHNA 5:18

Tu-in Filistia-te hong pai-in Refaim kuamsung dim uh hi.

2 SAMUEL NIHNA 5:22

Tua ciangin Filistia-te hong kuantokik lai-in Refaim kuamsung dim khin uh hi.

Hosea 6:11

No Judah mite zong gim kong piak ding hun kiseh khinzo hi. Ka mihingte a ngei uh bangsakkik ning,

Jeremiah 9:22

Gamlak a ki-tha ek bangin misi luang kipaithang ding a, buhlom atsa kinusia bangin kuamah in a khawm kei ding hi, ci-in a gen dingin Topa in kei hong sawl hi,” ka ci hi.

Isaiah 17:11

tuate na suan ni mahun thakhatin khang a, na tuh ni uh a zing ciang mahin a hong pak hangin note in a gah na lokha kei ding uh hi. Gimna le lungkhamna hong tun ni-in tuate maimang ding hi.

Joshua 15:8

Tua ciangin Jebus (Jerusalem a cihna) liangko leitaw lam Hinnom’ tapa’ kuamah gamgi paito-in, Refaim kuam leilu lam mong, nitumna lam Hinnom Kuam galkhatah a kikhung mual dawnah gamgi paito hi.

Joshua 18:16

Tua ciangin Refaim kuam leilu lam mong a om, Hinnom’ tapa’ kuam a kimuhna mual a gamgi-ah pai hi. Tua ciangin Jebus mite’ gam liangko leitaw lam, Hinnom Kuam-ah paisukin, Enrogel-ah paisuk suak hi.

Paunak 27:25

Lopate ki-atmang khin a, ahi zongin a no hong selkik hi. Mualtungah a po lopa hing khempeuh ki-atin inn-ah kipua a,