Isaiah 17:2 - Tedim Bible

² Ama khuapite kinusiacip paisuak ding hi. Tuuhonte’ omna mun suak ding a, tua tuuhonte lum hithiatin bangmah in lausak lo ding hi.

Tedim Bible Revision 2017

² Ama khuapite kinusiacip paisuak ding hi. Tuuhonteʼ omna mun suak dinga, tua tuuhonte lum hithiatin bangmah in lausak lo ding hi.

Isaiah 17:2 Referans Kwoze

Ezekiel 25:5

Rabbah khuapi pen kalaoh khua ka suaksak ding a, Ammon khuapi dangte zong tuukhawk ka suaksak ding hi. Tua ciangin Topa ka hihna thu nong thei ding uh hi.

Jeremiah 7:33

Misi luangte huih lak a leeng vasate le leitungah a om ganhingte’ an a suak ding uh a, tuate a delhmang ding kuamah om lo ding hi.

Zefaniah 2:6

Tuipi gei-a om leitang aw, tuute’ gamtatna mun, gamlak na suak lel ding hi.

Micah 4:4

A kuamah peuh lungnuamin a leenggui phung le a theikung nuai-ah tu hithiat ding a, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

Thu-hilhkikna 2:36

Arnon kuam mong a a om Aroer le tua kuam sunga om khuapi Gilead ciang dongah eite a dingin khuapikulh a sanglua khat beek om lo a, Topa i Pasian in a vekpi-in eite’ khut sungah hong pia hi.

Gamlak-vakna 32:34

Gad minamte in khuapi muanhuai Dibon, Ataroth, Aroer,

Jeremiah 48:19

Aroer khua-a teng mite aw, lam gei-ah dingin na en un! A hong galtai numei le pasalte kiangah, ‘Bang thu piang ahi hiam?’ ci-in dong un.

Thu-hilhkikna 3:12

“Tua hunin hih leitang i luah ciangin, Reuben mite le Gad mite tungah Arnon kuam mong a a om Aroer pan le Gilead mualtung gam kimkhat a khuapite tawh ka pia hi.

Isaiah 7:21

“Tua ni ciangin mi khat in bawngla khat le tuu nih bang bek suahtakzo ding a,

Isaiah 5:17

Tua ciangin tuunote in amau’ tatna gamlak mun bangin tua khua sungah lopa ne ding uh a, a thau ganhingte le keelnote a siasa khuapi sungah gamta ding uh hi.

Joshua 13:16

Tua ahih ciangin amau’ gamh pen Arnon kuam gei-a a om Aroer pan, le kuam laizang a om khuapi, le Medeba kianga mualzang khempeuh,

JOB (Job) 11:19

Kuamah kihtak nei loin nuamtakin na om ding a, mi tampi in nangma maipha hong zong ding uh hi.

Isaiah 7:22

ahi zongin tuate in nawi tampi a piakna hangin amah in bawngnawi thaukhal ne zo ding hi; bang hang hiam cih leh gam sungah a omlai mi khempeuh in bawngnawi thaukhal le khuaizu ne ding uh hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mi’ tenna mun pen kitaisanin kinusia hi. Tua lai-ah bawngno gamta-in lum a, singhiangte a kheuh hi.

Ezekiel 39:26

Amaute’ gam sungah kuamah in su loin lungmuangin a omkik uh hun ciangin, kei hong lehbawlnate uh le a mindainate uh mangngilh theita ding uh hi.

Joshua 13:25

Amau’ gam pen Jazer, le Gilead khuapite khempeuh, le Rabbah nisuahna lamah a om Aroer ciang dong Ammon mite’ leitang kimkhat,