Isaiah 17:10 - Tedim Bible

¹⁰ Nomau hong honkhia Pasian note in mangngilhin, nomau’ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Tedim Bible Revision 2017

¹⁰ Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Isaiah 17:10 Referans Kwoze

Jeremiah 2:32

Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in simzawh loh ni tampi sung a hong mangngilh uh hi.

Isaiah 26:4

Topa Pasian in eite khempeuh hong hu tawntung ahih manin Topa muang tawntung un.

Thu-hilhkikna 32:18

Note a hong Honkhia pa na phawk kei uh a, note a hong suaksak Pasian na mangngilh uh hi.

Late 106:21

Amaute in Egypt gam sungah na lianpite a bawl, Ham’ gam sungah na lamdangte le San Tuipi-ah a kihtakhuai nate a bawl, amau’ Honpa, Pasian mangngilh uh hi.

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulhnei khuapi tampi a lamthuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Jeremiah 17:13

Aw Topa, Israel mite’ lamet pa aw, nang a hong taisan mite a zahhuai ding uh hi. Nang a hong lehngatsan mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisanzo uh hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topa’ hehna hangin anlak hun ciangin a maizum ding uh hi,” a ci hi.

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamte’ hehna, bang hangin kihta-in lau tawntung na hi uh hiam? Amaute’ hehna in note hong susiazo het lo ding hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Late 106:13

Ahih hangin amaute in ama nasepte mangngilh pah uh a, ama thugen ding ngak loin a gamta pah uh hi.

Late 85:4

Kote hong honkhia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.

Thu-hilhkikna 32:31

Bang hang hiam cih leh i galte’ pasian eite’ Pasian bang hi lo a, i galte’ thungetna a mawkna ahi hi.

Late 79:9

Kote a hong honkhia Pasian aw, nangma min a than nadingin kote hong huhin, nangma min hangin kote hong khahkhia-in, ka mawhnate uh hong maisak ta in.

1 KHANG TANGTHU MASATE 16:35

“Kote hong khahkhia in, kote hong honkhia Pasian aw, minam dangte lak panin kote hong kaikhawm in. Na min siangtho tungah lungdam kong koh theih nading uh le, nangmah phatna-ah ka minthan nadingun kote hong hon in.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Thu-hilhkikna 28:30

“Zi dingin lawm khat na dong ding uh a, midang khat in na luppih ding hi. Inn na lam ding uh a, tua sungah na teng kei ding uh hi. Leenggui lo na zuan ding uh a, a gah na ne kha kei ding uh hi.

Thu-hilhkikna 8:19

Topa na Pasian uh mangngilhin pasian dangte’ nung zui-in tuate’ na semin na biak uhleh, na sia taktak ding uh hi, ci-in tuni-in limtakin kong hilhkhol hi.

Thu-hilhkikna 8:14

na lungsim uh lianin, salsuahna Egypt gam panin note a hong paikhiatpih,

Thu-hilhkikna 8:11

“Tuni-a no tungah kong gen ahi ama thupiaknate le a ngeina kipte le a thukhamte zuih lohna tawh Topa na Pasian uh mangngilh kha ding na hih manun kidawm un.

Thu-hilhkikna 6:12

salsuahna Egypt leitang panin hong paikhiatpih Topa na mangngilh khak loh nading uh kidawm un.

Siampi Laibu 26:20

Na leitang un an piangsak loin, na gam sung uha kungte in amau’ gah gah lo ding ahih manin note’ thatang a mawkna-in a bei hi ding hi.

Siampi Laibu 26:16

keimah in note tungah hih bangin kong hih ding hi: Note’ tungah hong tung dingin keimah in thakhatthu a dipkuatna, zawngkhalna, le mite siasakin nuntakna a kiamsak ding cisa natna kong tungsak ding hi. Note’ lopawi zong a mawkna hi ding hi; bang hang hiam cih leh na galte un tuate ne ding hi.

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Habakkuk 3:18

Topa Pasian pen hong honkhia pa ahih manin lungdamin ka kipak lai veve ding hi.

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Late 65:5

Tuipi gamla pente le leimong khempeuhte’ lamet, kote a hong honkhia Pasian,

Late 31:2

Na bil hong ngat inla, hong hon pak in! Ka belh ding suangpi hong hi inla, kei hong dal ding munkip muanhuai hong hi in!

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Late 9:17

Pasian a mangngilh minam khempeuh sung panin migilote, Leinuai-ah pai ding uh hi.

Isaiah 17:9

Tua ni ciangin amau’ khuapi muanhuaite pen Hiv mite le Amor mite in Israel mite’ hangin a nusiat uh munte tawh kibang ding a, gamkhing a suak ding hi.

Isaiah 18:5

Bang hang hiam cih leh leenggah lawh hun ma deuh, leenggui a pak khit, leenggah a puamcin laitakin, amah in singhiang heuhna temkawi tawh a selte atkhia ding a, a zaam zeizai a hiangte heuhkhia ding hi.

Isaiah 25:4

Bang hang hiam cih leh nang pen mizawngte a dingin munmuanhuai, a cimawh mite a dingin a lungkhamna uhah munmuanhuai, huihpi panin bukna le nisa panin niliim na hi hi. Bang hang hiam cih leh thukhual lo mite’ hihna pen huihpi in kulh a nawkgawp tawh kibang a,

Isaiah 30:29

Ahi zongin no Pasian’ mite in ahihleh biakna pawi a kikham ni zan a bangin la na sa ding uh hi. Israel-te a hu Topa’ biakinn-ah a pai dingin tamngai aw ginna zui-in a kuankhiate bangin na lungdam ding uh hi.

Isaiah 33:2

Topa aw, kote hong hehpih in; nang kong muang uh hi. A tawntungin kote hong hu inla, lungkham hunin hong honkhia in.

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei simloh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 62:11

Leimong dongah Topa taangko khin hi. Jerusalem mite tungah, “En un, no hong honkhia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.

Joel 1:17

Guahtui om lo ahih manin khai kituhte khempeuh lei sungah keucip a, an khol ding bangmah om nawn lo ahih manin ansalte khempeuh a vekin kisia khinta hi.

Ezekiel 22:12

Pawlkhat in sum deih manin mi that uh hi. Pawlkhatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.