Isaiah 16:8 - Tedim Bible

⁸ Bang hang hiam cih leh a hiang zaai-in tuipi kantan a, Jazer khua banin sehnel gam dongah a zaam ama hiangte, minam dangte’ tote in sattan ahih manin Heshbon lolaite le Sibmah leengguite vul ta uh hi.

Tedim Bible Revision 2017

⁸ Bang hang hiam cih leh a hiang zaai-in tuipi kantan a, Jazer khua banin sehnel gam dongah a zaam ama hiangte, minam dangteʼ tote in sattan ahih manin Heshbon lo laite le Sibmah leengguite vul ta uh hi.

Isaiah 16:8 Referans Kwoze

Isaiah 15:4

Heshbon khua le Elealeh khua kiko uh a, amau’ kahna awging Jahaz khua dongah kiza hi. Tua ahih ciangin Moab mi galhiam tawite lau-in nakpitakin kiko uh a, amaute a ling uh hi.

Gamlak-vakna 32:38

Nebo, le Baalmeon (a minte kheel ding), le Sibmah khuapite sat uh a, amau’ satsa khuapite’ min a thak a phuak uh hi.

Jeremiah 48:32

Sibmah khua aw, Jazer khua a’ ding sangin nang a dingin ka nak kahzaw hi. Nang pen leenggah gui zaam bangin na hiangte in tuipi kantan a, Jazer khua dongah na zaam suak hi. Na khuakhal ante le na leenggahte hong kisuksiatsak ta hi.

Isaiah 24:7

Leengguite keutumin leenggahzu tawm semsem a, a lungdam mi khempeuh khuisa ta uh hi.

Isaiah 16:9

Tua ahih ciangin Jazer khua mite a kah bangin Sibmah leengguite’ hangin kei ka kap hi. Heshbon le Elealeh khuamite aw, ka khitui tawh note kong kawtsak hi. Bang hang hiam cih leh galkidona in note’ singgah le ante hong banzo hi.

Isaiah 10:7

Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

2 SAMUEL NIHNA 1:21

“No Gilboa mualte aw, daitui ahi a, guahtui ahi zongin, na tung uhah omsak kei un. Tui thukpi kilok zong omsak kei un! Bang hang hiam cih leh a vanglianpa’ lum nin a, Saul’ lum, sathau kinuh lo hi.

Joshua 13:25

Amau’ gam pen Jazer, le Gilead khuapite khempeuh, le Rabbah nisuahna lamah a om Aroer ciang dong Ammon mite’ leitang kimkhat,

Joshua 13:19

Kiriathaim, Sibmah, le tua kuam mualtung a om Zereth-shahar,

Gamlak-vakna 32:3

“Ataroth, Dibon, Jazer, Nimrah, Heshbon, Elealeh, Sebam, Nebo, le Beon

Gamlak-vakna 21:32

Moses in Jazer khua thu a kansim dingin mi a sawl hi. Amaute in a khuaneute la-in tua lai-a om Amor mite suankhia uh hi.

Gamlak-vakna 32:35

Atrothshofan, Jazer, Jogbehah,