Isaiah 16:7 - Tedim Bible

⁷ Tua ahih ciangin a thuakna uh hangin Moab mite kap hen la, mi khempeuh zong Moab mite’ hangin kap ta uh hen. Nakpi takin gimna a thuak laitakun Kirhareseth khua-ah a anlim nekte uh a phawkkhak uh ciangin khasia-in a kap uh hi.

Tedim Bible Revision 2017

⁷ Tua ahih ciangin a thuakna uh hangin Moab mite kap henla, mi khempeuh zong Moab miteʼ hangin kap ta uh hen. Nakpi takin gimna a thuak laitakun Kir-hareseth khua ah a an lim nekte uh a phawk khak uh ciangin khasia-in a kap uh hi.

Isaiah 16:7 Referans Kwoze

2 KUMPI NIHNATE 3:25

Tua ciangin amaute in khuapite lawnthal uh a, a suang in a khuhcip dongin leitang tung khempeuhah mi khempeuh in suang lawn uh hi. Amaute in tuinak khempeuh khakcip uh a, singkung hoih khempeuh phuk uh hi. Kirhareseth-ah a suangtumte bek a om dongin suanglotna a tawite in umcihin vatgawp uh hi.

Jeremiah 48:20

Moab gam kisia khinzo a, zumhuaina thuak khinzo hi. Thum unla kah un! Arnon gun dungah, Moab gam kisiatna thu va gen un.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kirhareseth khuapi hangin kei mahmah zong ka kisat gaihgaih hi.

Isaiah 8:19

Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amau’ pasian-te thu dongin, mihingte’ thu pen misite dot ding mah hi lo ahi hiam?” hong ci ding uh hi.

1 KHANG TANGTHU MASATE 16:3

Israel mi numei le pasal khempeuhte tungah anlum khat, sa bak khat, le leenggahkeu bek khat ciat a hawm hi.

1 KHANG TANGTHU MASATE 12:40

Israel gam sungah lungdamna om ahih manin a vengte uh Issakhar le Zebulun le Naftali ciang dong panin zong hong pai-in late le kalaohte le la-sakolte le bawngtalte tawh an hong pua-in, an tampi tak, theimohte, leenggahkeu bawkte, le leenggahzu le sathau, bawngtalte le tuute, lungdam lahna-in hong puak uh hi.

Jeremiah 48:31

Tua ahih manin Moab a dingin ka tau hi. Moab gammi khempeuh a dingin ka kap a, Kirheres khua a dingin zong ka thum hi.