Isaiah 16:1 - Tedim Bible

¹ Moab mite in Jerusalem-a om gam ukpa tungah sehnel gam Sela khua panin tuunote a puak uh hi.

Tedim Bible Revision 2017

¹ Moab mite in Jerusalem-a om gam ukpa tungah sehnel gam Sela khua panin tuunote a puak uh hi.

Isaiah 16:1 Referans Kwoze

Isaiah 10:32

Tuni mahmahin Nob khua-ah galte tungin khawl uh a, Zion Mual ahi Jerusalem khuapi a khuttum uh sinsan uh hi.

2 KUMPI NIHNATE 3:4

Moab kumpipa Mesha pen tuu khawi pa ahi hi. Amah in Israel kumpipa tungah kum simin tuuno tul zakhat, le tuutal tul zakhat’ mul a piak ding ahi hi.

2 KUMPI NIHNATE 14:7

Amah in Edom mite tul sawm Ci Kuam-ah thatin Sela khua simin la a, a min dingin Joktheel phuak a, tuni dongin tua min kipsuak hi.

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, leilakah amaute lumsak hi. Amah in thah dingin gual nih le khah dingin gual khat dim a teh hi. Tua ciangin Moab mite David’ khutnuai mite suakin siah a puak uh hi.

Isaiah 42:11

Sehnel gam le a khuapite, Kedar mite’ tenna khuaneute a aw uh sangkhai sak un. Sela gam a teng mite lungdamna tawh la sasak unla, mual dawn panin amaute awngsak un.

Ezra 7:17

“Hih ka thupiakna tawh kizui-in hih sumte pen Jerusalem-a note’ Pasian’ biakinn-a biakna tau tungah piak dingin bawngtalte, tuutalte, tuunote, le a an tawh biaknate, le a leenggahzu tawh biakna dingte leina ding bekin na zang ding uh hi.

Micah 4:8

Pasian in a mite a etna Jerusalem khuapi aw, nidanga na vangliatna na ngahkik ding a, kumpi khuapi na suakkik ding hi.

Ezekiel 45:16

Israel mi khempeuh in hihte pen biakna-in a piak dingin, amau a uk ulianpa tungah puak ding uh hi.