Isaiah 15:5 - Tedim Bible

⁵ Moab gam adingin ka lungsim kiko hi. A galtai ama mite Zoar khua le Eglathshelishiah khuate-ah a tai uh hi. Bang hang hiam cih leh Luhith lampi-ah amaute a kapsa-in paito uh hi. Horonaim khua zuatna lampi-ah amaute in siatna a thuakna uh hangin nakpi-in kiko uh hi.

Tedim Bible Revision 2017

⁵ Moab gam adingin ka lungsim kiko hi. A galtai ama mite Zoar khua le Eglath-shelishiah khuate ah a tai uh hi. Bang hang hiam cih leh Luhith lampi ah amaute a kap sa-in pai to uh hi. Horonaim khua zuatna lampi ah amaute in siatna a thuakna uh hangin nakpi-in kiko uh hi.

Isaiah 15:5 Referans Kwoze

Jeremiah 48:5

Luhith mual kahtohna lampi-ah a paikawmun a kap uh hi. Horonaim khua-ah a tuahsuk laitakun khuapi siatna hangin a kikona aw uh a za uh hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak lohlam zong na hong thei hi. Ka kam panin a gingkhia thu khempeuh na thei khin hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Isaiah 16:14

Ahih hangin tu-in Topa in, “Nasem dingin a kicial kum hunte sung bangin, kum thum sungin, ama mihon tampite om taseleh Moab’ minthanna in simmawhna thuak ding a, a suakta lai mite pen tawm mahmahin, thaneem ding uh hi,” a ci hi.

2 SAMUEL NIHNA 15:30

Ahih hangin Oliv Mual tung kahtohna-ah David paito a, khe guak le lu tuamsa-in a paikawmin kap hi. Amah tawh a om mi khempeuh zong lu khuhsa-in a paitoh kawmun a kap uh hi.

2 SAMUEL NIHNA 15:23

Tua ahih ciangin mi khempeuh a pai laitakin gam sung mi khempeuh a gingin kapkhia uh a, kumpipa in Kidron lui kantanin, mi khempeuh zong gamlak lamah a paisuak uh hi.

Piancilna 19:22

Kinawh inla, tua lai-ah tai in. Bang hang hiam cih leh tua lai-ah nang na tun mateng ke’n bangmah ka hih thei kei hi,” a ci hi. Tua ahih ciangin tua khuapi min Zoar kici hi.

Piancilna 14:2

hih kumpite in Sodom kumpipa Bera, Gomorrah kumpipa Birsha, Admah kumpipa Shinab, Zeboiim kumpipa Shemeber, le Bela (Zoar) kumpipa, kumpi ngate va sim uh hi.

Piancilna 13:10

Lot zong khuadak a, Jordan gun kuam mun khempeuh in limtakin tui ngahin Topa’ huan hitaleh, Zoar lama Egypt gam tawh hitaleh kibang hi, ci-in mu hi. Hih pen Topa in Sodom le Gomorrah a suksiat hun ma ahi hi.

Gamlak-vakna 21:29

Moab! Gimna na ngah hi. Khemosh mite! Na mangthang uh hi. Amah in a tapate galtai-in, a tanute galmatin, Amor kumpipa Sihon a dingin hong bawl hi.

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uhah siatna vive om kawikawi hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 48:3

Ngai dih un! Horonaim khua-ah mi kiko a, ‘Ngongtatna le siatna lianpi,’ a ci uh hi.

Jeremiah 50:46

A pukna uh gin’ ngaihlua ahih manin leitung a kiling ding hi. A kahna aw uh gam khempeuhah a kiza ding hi,” a hong ci hi.