Isaiah 15:2 - Tedim Bible

² A sangna munte-ah a kap dingin Dibon khuamite paito uh hi. Nebo le Medeba khuate’ hangin Moab mite nakpitakin kap uh hi. Dahna limin lu khempeuh kimettol a, khamul khempeuh zong kimetmai hi.

Tedim Bible Revision 2017

² A sangna munte ah a kap dingin Dibon khua mite pai to uh hi. Nebo le Medeba khuateʼ hangin Moab mite nakpi takin kap uh hi. Dahna limin lu khempeuh kimettol a, khamul khempeuh zong kimetmai hi.

Isaiah 15:2 Referans Kwoze

Jeremiah 48:1

Moab gam tawh kisai-in Vanglian Topa, Israel mite’ Pasian in a genin-ah: “Nebo mite in gimna a thuak ding uh hi. Bang hang hiam cih leh a gam uh a kisia ding hi. Kiriathaim khua kila khinzo a, a kulhpite uh cim khinta hi. A mite in maizumna thuak uh a,

Siampi Laibu 21:5

“Amaute in a lu uh mettol loin, amau’ khamul nawlhui zong kiat loin, a ci tung uh liamsak lo ding uh hi.

Jeremiah 48:18

Dibon khua-a teng mite aw, na minthanna uh mun sang panin hong kumsuk unla, leivui lakah hong tu un! Bang hang hiam cih leh Moab hong sim dingte hong paita a, na kulhte uh hong suksiatsak zo uh hi.

Isaiah 3:24

Paknamtui tangin uihna, kawnggak tangin khauhualpi, limtak a kizem sam tangin lu kolhna, puan hoih tangin puanhampi, melhoihna tangin maizumna hun hong tung ding hi.

Thu-hilhkikna 34:1

Tua ciangin Moab zanglei panin Jerikho gal Nebo Mual, Pisgah dawnah Moses paito hi. Tua ciangin Topa in gam khempeuh, Gilead gam pan Dan ciang dong,

Gamlak-vakna 21:30

Tua ahih ciangin amau’ suanlekhakte Heshbon pan Dibon ciang dong si uh a, mei in Medeba ciang dong a bat mateng ka siasak uh hi,” ci-in sa uh hi.

Ezekiel 7:18

Amaute in dahna limin puanhampi silh ding uh a, pumlingawp ding uh hi. A sam uh kimettolsak ding a, a mindai ding uh hi.

Jeremiah 48:31

Tua ahih manin Moab a dingin ka tau hi. Moab gammi khempeuh a dingin ka kap a, Kirheres khua a dingin zong ka thum hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 16:12

Moab amahmah hong kilaakin, a sangna munah lungkhamin hong pai a, ama siangtho munah thu a nget ciangin bangmah ngah lo ding hi.

Isaiah 16:7

Tua ahih ciangin a thuakna uh hangin Moab mite kap hen la, mi khempeuh zong Moab mite’ hangin kap ta uh hen. Nakpi takin gimna a thuak laitakun Kirhareseth khua-ah a anlim nekte uh a phawkkhak uh ciangin khasia-in a kap uh hi.

Isaiah 15:3

Kongzing lakah amaute in puanhampi silh uh hi. Innkhumzang le kongzing lampi kituahnate-ah mi khempeuh nakpi-in kapin khitui tawh a kawt uh hi.

Isaiah 14:31

“Filistia khuapi kongpite aw, nakpitakin kap un; khuapite aw, kiko un. Filistia mi khempeuh aw, lau-in ling un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte a meidawi khat beek om lo hi,” hong ci hi.

JOB (Job) 1:20

Hih thu a zak ciangin Job dahlua-in a puan balkek a, a sam met khia-in leilakah bok sukin Pasian a bia hi.

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-atkeh loin, na sam uh zong na mettol kei ding uh hi.

Gamlak-vakna 32:38

Nebo, le Baalmeon (a minte kheel ding), le Sibmah khuapite sat uh a, amau’ satsa khuapite’ min a thak a phuak uh hi.

Gamlak-vakna 32:3

“Ataroth, Dibon, Jazer, Nimrah, Heshbon, Elealeh, Sebam, Nebo, le Beon

Siampi Laibu 13:40

“Mi khat a sam pulh a, a lu a tol hangin amah a siang ahi hi.

Gamlak-vakna 21:28

Heshbon panin mei piangkhia a, Sihon’ khuapi panin meikuang piangkhia hi. Moab mite’ khuapi Ar, Arnon mual sang a ukte kangtum hi.

2 SAMUEL NIHNA 10:4

Tua ciangin Hanun in David’ nasemte manin a khamul uh alang ciat kiatkhiatsak a, a puan uh a laizang, a kawng ciangah atkhiat sakin amaute a sawlkhia hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Jeremiah 47:2

Topa in a hong genin-ah, “En un, leilu lam panin tui hong khang ding a, hong letkhia-in hong luang ding hi. Gam sung le gam sunga om khempeuh hong tum ding a, khuapi le a sunga teng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Jeremiah 48:35

Moab gam mualsang tungah biakna pia a, milim pasian-te tungah paknamtui a hal mite, Topa in kong cihin-ah, tua bang ka hihsak nawn kei ding hi.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in a kap uh hi.

Ezekiel 30:2

“Mihing ahi Ezekiel aw, Topa Pasian ahi keima thugen hih bangin pulak in: “‘A lauhuai ni,’ ci-in awng in.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawng ciang uhah a puante uh atkhiatsakna tawh amaute daisakin a sawlkhia hi. Tua ahih ciangin amaute kihem uh hi.

Jeremiah 49:3

Heshbon khuamite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.