Isaiah 15:1 - Tedim Bible

¹ Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a beita ahi hi.

Tedim Bible Revision 2017

¹ Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a bei ta ahi hi.

Isaiah 15:1 Referans Kwoze

Isaiah 11:14

Ahih hangin amaute in nitumna lama om Filistia mite simkhawm ding uh a, nisuahna lama om mite luhkhawm ding uh hi. Amaute in Edom mite le Moab mite zogawp ding uh a, Ammon mite in amau’ thu mang ding uh hi.

Gamlak-vakna 21:28

Heshbon panin mei piangkhia a, Sihon’ khuapi panin meikuang piangkhia hi. Moab mite’ khuapi Ar, Arnon mual sang a ukte kangtum hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kirhareseth khuapi hangin kei mahmah zong ka kisat gaihgaih hi.

Isaiah 16:7

Tua ahih ciangin a thuakna uh hangin Moab mite kap hen la, mi khempeuh zong Moab mite’ hangin kap ta uh hen. Nakpi takin gimna a thuak laitakun Kirhareseth khua-ah a anlim nekte uh a phawkkhak uh ciangin khasia-in a kap uh hi.

Isaiah 14:28

Kumpi Ahaz a sih kumin thu hong tung a,

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uhah vun at lohpi ahi uh hi,” a ci hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

2 KUMPI NIHNATE 3:25

Tua ciangin amaute in khuapite lawnthal uh a, a suang in a khuhcip dongin leitang tung khempeuhah mi khempeuh in suang lawn uh hi. Amaute in tuinak khempeuh khakcip uh a, singkung hoih khempeuh phuk uh hi. Kirhareseth-ah a suangtumte bek a om dongin suanglotna a tawite in umcihin vatgawp uh hi.

Thu-hilhkikna 2:18

‘Tuni-in Ar khua san takah Moab gamgi a kantan ding na hi uh hi.

Thu-hilhkikna 2:9

Topa in kei kiangah, ‘Amau’ leitang na neih dingun note’ tungah hong pia lo ding ka hih manin Moab mite gimsak kei unla, amaute tawh galin kido kei un; bang hang hiam cih leh a neih dingun Lot’ suanlekhakte tungah Ar khua ka piazo hi,’ hong ci hi.

Isaiah 25:12

Amah in Moab mite’ kulh muanhuaite suksiat sakin leilak denna ding a, leivui suakmangkhin ding hi.

Thu-hilhkikna 2:19

Ammon mite’ leitang na neih dingun khat zong hong pia lo ding ka hih manin, Ammon mite’ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lot’ suanlekhakte tungah ka pia khin hi,’ hong ci hi.

Isaiah 16:6

Tua ciangin Judah mite in, “Moab’ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.