Isaiah 14:7 - Tedim Bible

⁷ Leitung khempeuh tawlnga-in gamdai takin omta uh a, amaute inla sa-in kiko uh hi.

Tedim Bible Revision 2017

⁷ Leitung khempeuh tawlnga-in gamdai takin om ta uh a, amaute in la sa-in kiko uh hi.

Isaiah 14:7 Referans Kwoze

Isaiah 49:13

Vantungte aw, lungdamin la sa un. Leitung aw, lungdamin diang in. Mual liante aw, lungdamin la sa-in awngkhia un! Bang hang hiam cih leh Topa in ama mite hehnem ta a, gimna a thuak ama mite hehpih ta ding hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Jeremiah 51:48

Tua ciangin vantung, leitung, le a sunga om nate khempeuh in Babylon’ hangin lungdamin la a sa ding uh hi. Bang hang hiam cih leh leilu lam panin amaute a susia ding mi hong pai ding uh hi, Topa in kong ci hi.

Paunak 11:10

Midikte a tuahphat ciangin khua sungah lungdamna om a, migilote a sih ciangin zong khua sungah lungdamin kikona a om hi.

Late 98:1

Amah in na lamdangte bawl ahih manin Topa’ tungah la thak sa un. Ama khut taklam le ama khut siangthote in amah gualzosak hi.

Late 47:1

Mi khempeuh aw, na khut uh beeng un! Lungdamna la nakpi-in sa-in Pasian phat un.

Zekhariah 1:11

Tua ciangin mui kung lakah a khawl Topa’ vantung mite kiangah amaute in, “Leitung khempeuh ka en kawikawi khin uh a, leitung khempeuh khuaphawk loin nuamtakin om uh hi,” ci-in thu a zasak uh hi.

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Ezekiel 35:14

“Tua ahih ciangin Topa Pasian in hih bangin ka ci hi: Leitung buppi a lungdam theih nadingin nang a gamkhing pha mahmahin kong bawl ding a,