Isaiah 14:4 - Tedim Bible

⁴ Babylon kumpipa tungah hih zahkona kam na zang ding uh a, “Kumpi gilo pa pukta a, amah in kuamah nengniamzo nawn lo ding!

Tedim Bible Revision 2017

⁴ Babylon kumpipa tungah hih zahkona kam na zang ding uh a, “Kumpi gilopa puk ta a, amah in kuamah nengniam zo nawn lo ding!

Isaiah 14:4 Referans Kwoze

Isaiah 49:26

Nang hong nengniam mite pen amau’ satak mah ka nesak ding a, zukham bangin amau’ si mah a kham ding uh hi. Tua ciangin kei pen Jakob’ Vanglian Pa, nang hong Tankhiapa, nang hong Hon Topa ka hihna mi khempeuh in hong thei ding uh hi,” a ci hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 18:16

“Hih a lian khuapi in a thuakna, bangzah takin lauhuai, bangzah takin nasia! Puan hoihnono, a dupsan le a sante silhin, kham, suangmanpha, le kepte tawh a kizem ngei khuapi!

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Habakkuk 2:17

Note in Lebanon gam singkungte phuk na hih manun note zong hong kiphuk ding a, a ganhingte zong that na hih manun tu-in ganhingte in note hong lausak ding uh hi. Gam sung khempeuhah mi thatin na bawlsiatna hang uh le khuapite le a sunga tengte na suksiatna hangun note tungah hih bangin a hong piang ding ahi hi.

Daniel 2:38

Amah in mi’ tenna leitungteng, ganhingteng le vasate a uk dingin nang a hong koih hi. Tua kham lutang pen nangmah na hi hi.

Ezekiel 5:15

Note tungah hehin sinsona tawh gim kong piak ciangin na kim uha a om minam dangte khempeuh lau ding uh hi. Amaute in note hong muhdah et-in hong simmawhbawl ding uh hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Jeremiah 24:9

Amaute ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Isaiah 51:23

Note kiangah, ‘Na tung uhah kong pai theih nadingun kunsuk un,’ a hong ci, no a hong bawlsiate’ khut sungah tua haipi ka koih ding hi. Note in na nungzang uh leilak bangin bawlin, amaute’ pai nadingin kongzing lampi bangin na bawl khin uh hi,” a ci hi.

Isaiah 47:5

Babylon aw, gamdai takin tu inla, khuamialna sungah pai in; bang hang hiam cih leh nang pen kumpi gamte’ tonu, hong kici nawn lo ding hi.

Isaiah 14:17

leitung pen sehnel gam suaksakin, khuapite a susiapa, thong sungah a kikhum mite inn-ah a ciahsak lopa hih pa hi lo ahi hiam?’ hong ci ding uh hi.

Isaiah 13:19

Khaldea mite’ hoihna, a kiphatsakpih, kumpi gam a minthang bel Babylon khuapi pen Pasian in Sodom le Gomorrah a siatsak lai hun bang ding hi.

2 KHANG TANGTHU NIHNATE 36:18

Tua ciangin Topa’ biakinn-a umlebeel khempeuh a lian a neu, le Topa’ biakinn-a vanmanphate, le kumpipa le a uliante’ vanmanphate khempeuh amah in Babylon-ah paipih hi.

Isaiah 9:4

Bang hang hiam cih leh Midian-te a kizawh ni-a bangin nangmah in amau’ vangik puakna hakkol le amaute a kisatna ciangkhut na kuaihtansak a, nangma mi a bawlsia minamte na zogawp hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

Isaiah 14:5

Tawlnga loin mihingte satna-in a kizang, hehna tawh minamte ukin nakpitakin a bawlsia, migilote’ ciangkhut le gam ukte’ kumpi ciangkhut, Topa in kuaitan khinta hi.

Isaiah 16:4

A kihawlkhia ko Moab mite note lakah hong tengsak unla, kote hong susiate’ kiang panin kote’ belh hong hi un. A nengniam pa om nawn loin siatna hun beita a, a khe tawh a sik mipa gam sung panin a manthan ciangin,

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamte’ hehna, bang hangin kihta-in lau tawntung na hi uh hiam? Amaute’ hehna in note hong susiazo het lo ding hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Jeremiah 48:17

“A kiima tengte le a min a thei mite aw, Moab gam kah un. ‘A minthanna bei khinta a, a vangliatna kumpi ciangkhut kitan ta hi,’ ci un.