Isaiah 13:9 - Tedim Bible

⁹ En un, leitung gamkhing suaksakin, leitung mawhneite a susia dingin hehna le sinsona tawh nasia takin Topa’ ni hong tung ding hi.

Tedim Bible Revision 2017

⁹ En un, leitung gamkhing suaksakin, leitung mawhneite a susia dingin hehna le sinsona tawh nasia takin Topa’ ni hong tung ding hi.

Isaiah 13:9 Referans Kwoze

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Nahum 1:6

Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.

Isaiah 13:6

Topa’ ni hong naita ahih manin nakpitakin kap un. Vanglianpa’ kiang panin suksiatna hong tung ta ding hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Late 104:35

Leitung panin mawhnei mite beimang hen la, migilote om nawn kei hen. Ke’n, Topa ka phat ding hi. Topa ka phat ding hi.

Paunak 2:22

ahi zongin Pasian in leitung panin migilote lawnkhia-in, singkung zungbawh bangin mawhneite botkhia ding hi.

Mangmuhna 18:8

gimna in ni khatthu-in ban ding a, pulnatna, kahna, le kialpi in vatgawp ding hi. Ama tungah thu a khen Topa Pasian vanglian ahih manin mei tawh kihaltum ding hi,” a ci hi.

Isaiah 9:19

Vanglian Topa’ hehna hangin meikuang bangin gam sung kang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topa’ ni-in gal hong tun ciangin Israel-te hu zo lo ding uh hi.

Joel 1:15

Kalai! A hun hong naita! Topa’ ni hong naita a, Vanglianpa’ suksiatna hun hong naita hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Nahum 1:8

Tuikhang in a suksiat bangin a langte susiagawp a, a galte khempeuh khuamial sungah a nawtkhia hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, note’ muh mahmahin a na lakte uh hawm ding uh hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Isaiah 34:8

Topa in Zion a hotkhiat ding, a galte a thuksak ding hun khat a nei hi.

Isaiah 63:4

Ka mite ka hotkhiat ding hunta ka sa a, a galte uh gimpiak ding a hun hita hi, ci-in ka ngaihsun hi.

Isaiah 66:17

Biakna huan sungah a pai dingin amaute kisiansuahin a kisiangthosak, a laizang a om pen a zuite, voksa le kihhuaina le zusa a nete beimang khawm ding hi, Topa in ci hi.

Ezekiel 30:3

Minamte’ siatna ding hun Topa’ ni hong naita hi.

Joel 2:1

Zion mualtungah peengkul tum unla, Pasian’ mual siangtho tungah pataukohna tum un. Topa ni hong naita ahih manin gam sung mi khempeuh lau ta uh hen.

Zefaniah 1:15

Tua ni pen heh mahmah ni, lungkham sinkham ni, tuahsia-in kisuksiat gawp ni, khua zingin mai mial ni, meiipi kai-in huihpi nun’ ni,