Isaiah 13:7 - Tedim Bible

⁷ Tua ahih ciangin khut khempeuh zaw-in, mi khempeuh’ lungsim tuisuak ding a, amaute lungkia ding uh hi.

Tedim Bible Revision 2017

⁷ Tua ahih ciangin khut khempeuh zaw-in, mi khempeuhʼ lungsim tui suak dinga, amaute lungkia ding uh hi.

Isaiah 13:7 Referans Kwoze

Ezekiel 21:7

Tua bangin na omna thu mite in hong dot ciangin mailam a thupiang ding hangin a tuaci om na hihna thu gen in. Tua hun ciangin a lungsim uh launa tawh kidimin, launa hangin a khut uh lingcipin, a hanna lungsim uh bei-in, lau-in a khuk uh a lin’ kelkelna ding thu le, tua hun ding pen tu-in a hong tungta ahihna thu gen in,” Topa Pasian in a hong ci hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte ling kelkel a, mi khempeuh lunggimin a mai-ah sisan teng lo hi.

Nahum 1:6

Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.

Ezekiel 7:17

Mi khempeuh’ khut zaw dakdakin, a khuk uh ling kelkel ding hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai-ah Egypt gam milimte lau-in ling ding uh a, Egypt mite’ hanna beita ding hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Isaiah 51:20

Na mite gim khin a, ngenthang sungah a awk sanang bangin lam kiu khempeuhah amaute lum uh hi. Topa’ hehna, na Pasian’ taina amaute in a thuak uh hi.

Paikhiatna 15:15

Tu-in Edom ukpite lungkia uh a, Moab makaite, lingcip uh hi. Kanaan-ah a teng mi khempeuh a hanna uh beita hi.

Joshua 2:11

Tua thu ka zak phetun ka lungsim uh bei a, note’ hangin mite’ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Late 58:7

Tui luangkhiate bangin amaute mangthangsak inla, lopa bangin amaute kituancil gawpin keutumsak in.

Jeremiah 51:30

Babylon galkapte in do nawn lo uh a, a phualpi uhah a khawl uh hi. A tha uh om nawn lo a, numei tawh a kibang uh hi. A innte uh kihalsak a, a khuakongpi a kikalhna siktawnte a kitan hi.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Nahum 2:11

Humpinelkai note an a kivakna mun, humpinelkai le a note lungmuang a a omna mun, humpinelkaite’ kua tawh a kibang koi-ah omta ahi hiam?