Isaiah 13:21 - Tedim Bible

²¹ Tua munah gamsate lum ding uh a, tua mun a innte pen a hawk ganhingte tawh kidim ding hi. Tua munah vasa-kalaoh golpite tengin, tua munah keeldawite laam ding uh hi.

Tedim Bible Revision 2017

²¹ Tua munah gamsate lum ding uh a, tua mun a innte pen a hawk ganhingte tawh kidim ding hi. Tua munah vasa-kalaoh golpite teengin, tua munah keeldawite laam ding uh hi.

Isaiah 13:21 Referans Kwoze

Mangmuhna 18:2

Amah nakpitakin kiko a, “A Lian Babylon khuapi kicim, kicim! Tu-in dawite’ kua suak khinta-in, kha gilote’ omna suak khinta a, a kihhuai, a muhdahhuai vasa namkim in omna-in neita uh hi.

Isaiah 23:13

Taia khuapi, gamsate’ phualpi a suaksakte pen Assiria mite hi lo a, Babylon mite ahi hi. Babylon mite in khuapi luhna ding panmun bawl uh a, Taia khuapi kulhte susia-in, khuapi sung khempeuh a sia a suaksak uh hi.

Isaiah 32:14

Kumpi innte kinusia-in, mi tampi a omna kumpi khuapi kilawi ding hi. Mual le tausangte zong kisiagawp ding a, late le tuuhonte in gamtatna munin nei ding uh hi.

Jeremiah 50:39

“Tua ahih manin gamsate le se-alte Babylon khua-ah teng ding uh a, vasa-kalaohte zong a teng ding uh hi. A khang a khangin, a tawntungin mi kuamah a teng ngei nawn kei ding hi.

Micah 1:8

Tua ahih manin kei kapin ka thum ding a, ka dahna thu ka lah nadingin khe guak le guaktangin ka vak ding hi. Gam-ui bangin ka ham ding a, vasa-kalaoh bangin ka tau ding hi.

Zefaniah 2:14

Tuu le bawnghonte tua khua sungah lumin, gan namkim khawk a suak ding hi. Gunva le gunvapite bangtung zawlah tuangin, tawlet-ah keising khuangin, sangkil tungah va-ak ham ding hi. Taamtak sing tawh a kilam innte maimang ding hi.

Siampi Laibu 11:16

vasa-kalaoh, pengpelep, vatawt, musi nam khempeuh,

Isaiah 14:23

Saphulipte’ om nadingin tua khuapi bawlin, bualtui ka suaksak ding a, siatna munphiah tawh ka phiatkhia siang ding hi,” Vanglian Topa in ci hi.

Isaiah 25:2

Bang hang hiam cih leh nang in khuapi ninbulomtang na suah a, a muanhuai khuapi a sia na suaksak hi. Mi kiphasakte’ kumpi inn pen khua bang nawn lo a, cikmah hunin kilamkik nawn lo ding hi.