Isaiah 13:13 - Tedim Bible

¹³ Tua ahih ciangin ka sinso ni-in Vanglian Topa ka hehna hangin vantung lausakin ka lingsak ding a, ama omna panin leitung kisingkhia ding hi.

Tedim Bible Revision 2017

¹³ Tua ahih ciangin ka sin so ni-in Vanglian Topa ka hehna hangin vantung lausakin ka liingsak dinga, ama omna panin leitung kising khia ding hi.

Isaiah 13:13 Referans Kwoze

Joel 3:16

Zion Mual panin Topa hong hawksuk a, Jerusalem panin hong awngkek a, vanpi le leipi a ling damdam hi. Ahi zongin Topa pen ama mite’ belh pa hi a, Israel mite a hu ding hi.

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

2 PETER NIHNA 3:10

Ahi zongin theihkholh lohpi-in guta bangin Topa hong pai ding Ni hong tung ding hi. Tua Ni ciangin nakpitakin a ging in vantungte maimang sakin, vantung nate mei in kangtumin maimang ding a, leitung le a tunga om na khempeuh a mangthang ding hi.

Mattiu 24:35

Van le lei a maimang zongin ka thugente maimang ngei lo ding hi.

Kah la 1:12

A kiim a pamah a pai mi khempeuh kiangah, “Hong en in, kei’ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Isaiah 51:6

Dakto-in vantungte en unla, leitung zong ensuk un. Bang hang hiam cih leh meikhu bangin vantungte mangthang hi. Puan bangin leitung paatkhia ding a, ama tunga tengte pen thokang bangin si ding uh hi. Ahih hangin keima hotkhiatna kip tawntung ding a, keima khahkhiatna bei ngei lo ding hi.

Isaiah 34:4

Vantunga a om khempeuh muatmang ding a, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

JOB (Job) 9:6

Amah in leitung lokgawp a, a khuampite kiling hi.

Late 18:7

Ama hehna hangin leitung kipumpei-in kivei a, mual bulpite zong kisingin ling damdam hi.

Late 88:16

Nangma hehna in keimah hong nawkgawp khin a, a lauhuai mahmah nangma hong sukgawpna in kei hong susia ta hi.

Isaiah 2:19

Leitung a lingsakgawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Isaiah 9:19

Vanglian Topa’ hehna hangin meikuang bangin gam sung kang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Isaiah 23:11

Topa in tuipi tungah a khut zan a, kumpi gamte lumlet gawp hi. Sumbawlna phualpite a kisuksiatna ding Topa in thu piazo hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga a teng mite thehthang gawp ding hi.

Isaiah 24:18

Lauhuaina panin a tai mipa gum sungah kia ding a, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua sukin leitung bulpite kiling ding hi.

Isaiah 24:19

Leitung khangkhamin kilokgawp ding a, kiphelkham ding hi.

Isaiah 21:1

Babylon gam tawh kisai thu hih bangin gen hi: Leitaw lam panin pingpei hong kipat mah bangin, a lauhuai gam panin siatna hong pai hi.

Isaiah 47:1

Nungak a bang Babylon aw, hong paisuk inla, leivui lakah tu in. Nungak a bang Khaldea aw, tokhom om lohna leilakah hong tusuk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

Jeremiah 51:1

Topa in a cihin-ah: “En un, Babylon khuapi le Khaldea mite a susia dingin keimah in huih ka nungsak ding hi.