Isaiah 13:11 - Tedim Bible

¹¹ Leitung mite a tatsiatna hangun gim ka pia ding a, migilote a mawhna hangun gim ka thuaksak ding hi. Mi kihisakte’ kiphatsakna beisiang sakin, a kisatheite’ kiliatsakna ka niamkhiat ding hi.

Tedim Bible Revision 2017

¹¹ Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 13:11 Referans Kwoze

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Isaiah 5:15

Mi khempeuh a niamin kikoih suk hi. A kiphasak mite kiniamkhiat suk hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Isaiah 14:21

Amaute khangto loin leitung a neih loh nading le leitung maitang teng khuapite tawh a kidimsak loh nadingin amau’ pate’ mawhna hangin a tate’ kithahna ding piang ta hen,” na ci ding uh hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Isaiah 3:11

Migilo in gimna ngah ta hen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoihsuk ding hi. Tua ni ciangin Topa bek a lianin kikoih ding hi.

JOB (Job) 40:12

Mi kiphasakte en inla, amaute niamkhiat gawp in. Migilote khempeuh a omna mun munah tuancil in.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtatsia le thuzuau ka mudah hi.

Isaiah 14:5

Tawlnga loin mihingte satna-in a kizang, hehna tawh minamte ukin nakpitakin a bawlsia, migilote’ ciangkhut le gam ukte’ kumpi ciangkhut, Topa in kuaitan khinta hi.

Isaiah 22:14

Vanglian Topa in keima tungah thu hong gen a, “Na sih matengun hih mawhna hong kimaisak het lo ding hi,” Vanglian Topa Pasian in hong ci hi.

Isaiah 23:9

A Vanglian Topa’ vaihawm ahi hi. Miliante’ kiphatsaknate a beisakna ding le a kipahtawi uliante a niamkhiat nadingin a bawl ahi hi.

Isaiah 24:21

Tua ni ciangin Topa in vantung a om mihonpite le leitung kumpite gim pia ding hi.

Isaiah 25:3

Tua ahih ciangin mi thahatte in nangma min hong thangsak ding a, thukhual lo minamte’ khuapite in nang hong zahtak ding uh hi.

Isaiah 29:5

Ahih hangin nangma gal honpite leivuineel leeng bang ding uh a, thukhual lo mihonpite ansi leeng bang ding uh hi. Tua ciangin tomkha sungin thakhat thu-in,

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuauthu tawh a heikhia, thukhual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Jeremiah 48:29

Moab’ kiphatsakna ka za khinzo a, kiphasak pha mahmah hi. Kiliansakin kisathei a, kuamah thusim loin mite a neu-et hi.

Habakkuk 2:4

Tua a hong tung ding thu pen ‘A gilo mite suakta lo ding a, thuman mite ahihleh Pasian tungah a cihtak manun nungta ding hi,’” a hong ci hi.

Paunak 11:31

Mihoihte hih leitungah thaman kipia ahihleh migilo le mawhneite gimna kipiazaw kan ding hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Isaiah 25:5

mun keuna-ah nisa mahmah tawh kibang hi. Nang in mi kiphasakte’ gamlumna na daisak hi. Meii liim in nisa a votsak bangin thukhual lo mite’ lasakna kitawpsak ta hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.