Isaiah 12:5 - Tedim Bible

⁵ Amah in minthang takin sem khin ahih manin Topa’ tungah phatna la sa unla, leitung khempeuhah hih thu kitheisak un.

Tedim Bible Revision 2017

⁵ Amah in minthang takin sem khin ahih manin Topa’ tungah phatna la sa unla, leitung khempeuh ah hih thu kitheisak un.

Isaiah 12:5 Referans Kwoze

Late 98:1

Amah in na lamdangte bawl ahih manin Topa’ tungah la thak sa un. Ama khut taklam le ama khut siangthote in amah gualzosak hi.

Paikhiatna 15:1

Tua ciangin Moses le Israel mite in Topa’ tungah hih la sa uh a, “Topa phatna la ka sa ding hi. Amah in minthangin zo khin a, amah in sakol le a tuang pa tuipi sungah a lawn hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Isaiah 40:9

Jerusalem aw, mual sang dawnah kahto-in lungdamna thu kiko in. Zion aw, nakpitakin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Paikhiatna 15:21

Miriam in amaute lasak hi: “Topa la sak un. Amah in minthangin zo khin a, amah in sakol le a tung tuangte, tuipi sungah a lawn hi,” a ci hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Late 105:2

Ama tungah la sa un. Ama tungah phatna la sa unla, a lamdang a septe khempeuh gen ciat ta un.

Late 72:19

A minthang ama min in thupha ngah tawntung hen la, ama minthanna tawh leitung khempeuh kidim tahen. Amen! Amen!

Isaiah 24:14

A suaktasun mite in lungdamin la sa ding uh hi. Nitumna lama om mite in Topa a liat mahmahna thu gen ding uh hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Isaiah 42:11

Sehnel gam le a khuapite, Kedar mite’ tenna khuaneute a aw uh sangkhai sak un. Sela gam a teng mite lungdamna tawh la sasak unla, mual dawn panin amaute awngsak un.

Isaiah 44:23

Vantungte aw, Topa in tua thu sem khin ahih manin la sa un. Lei thuknate aw, awng un. Mualte aw, la sa-in awngkhia un. Tulak le a sunga om sing khempeuh aw, awng un. Bang hang hiam cih leh Topa in Jakob honkhia khin a, Israel sungah amah kiminthangsak ding hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.