Isaiah 12:1 - Tedim Bible

¹ Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Tedim Bible Revision 2017

¹ Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 12:1 Referans Kwoze

Late 30:5

Ama hehna tomno sung bek hi a, ama hong deihsakna pen khang tawntung ading ahi hi. Zan hun sungteng kahna omkha mah ding a, ahih hangin zing khuavak tawh nuamna hong tung hi.

Isaiah 25:1

Topa aw, nang pen keima Pasian na hi hi. Nangmah kong liansak ding a, nangma min ka phat ding hi. Bang hang hiam cih leh a lamdang nate na sem khin a, tanglai peka na geelnate a kip a kho takpi ahi hi.

Isaiah 54:8

Hehluatna hangin tomno sung nang kiang panin ka maitang ka seel a, ahih hangin tawntung itna tawh nang kong hehpih kik ding hi, nangmah a hong honkhia Topa in ci hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huansung ka bangsak ding a, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

Isaiah 35:10

Topa’ hotkhiatsa mite hong ciahkikin, lungdam tawntungna mai pua-in la sa kawmin Jerusalem-ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

Isaiah 14:3

A haksa nasep hong kisepsakna, gimna le lungkhamna panin Topa in note tungah tawldamna hong piak ciangin,

Isaiah 49:13

Vantungte aw, lungdamin la sa un. Leitung aw, lungdamin diang in. Mual liante aw, lungdamin la sa-in awngkhia un! Bang hang hiam cih leh Topa in ama mite hehnem ta a, gimna a thuak ama mite hehpih ta ding hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong honkhia ahih manin lungdamin kipak ni,” kici ding hi.

ROM (Romans) 11:15

Amaute a kinialna hangin Pasian tawh leitung mi khempeuh kipawl theihna piang ahihleh amaute a kisan’ hun ciangin a sisate nangawn a hinkikna hong hita ding hi.

Zekhariah 14:20

Tua ni ciangin sakol khilongte khempeuh tungah, “Topa-a’ dingin A Kipia,” ci-in ciaptehna kibawl ding hi. Biakinn sunga a om beelte khempeuh pen biakna tau mai-ah a kikoih kuangte mah bangin a siangtho-in kinei ding hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Isaiah 66:13

A nu in a ta a hehnep bangin note kong hehnem ding a, note in Jerusalem khua sungah hehnepna na ngah ding uh hi.

Isaiah 26:1

Tua ni ciangin Judah gam sungah hih la kisa ding hi: Khuapi muanhuai khat i nei a, Topa mahmah in i kulhte le i panmun kipte hong hutsak hi.

Isaiah 11:16

Egypt gam panin Israel-te hong paitoh ciangin amau a dingin lam lianpi khat a om mah bangin, ama mi a omlaite a dingin Assiria gam panin zong lam lianpi khat om ding hi.

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tu-in, amaute sia ding uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Isaiah 10:4

Thongkiate’ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna damzo nai lo a, ama khut kizanlai hi.

JOB (Job) 13:16

Pasian’ mai-ah migilote pai ngam lo uh ahih manin, ka hanna pen ka gualzawhna hi ding hi.

Late 9:1

Ka lungsim khempeuh tawh Topa tungah lungdamna kong ko ding a, na bawl a lamdangte khempeuh ka gen ding hi.

Late 71:21

Nangmah in ka min hoihna nong khangsak ding a, nong hehnem kik ding hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Isaiah 54:9

Bang hang hiam cih leh hih pen kei a dingin Noah’ hun mah tawh a kibang hi. Noah tuite leitungah hong pai nawn lo ding, ci-in ka kiciam mah bangin nang tungah heh nawn loin nang a hong tai nawn lo dingin ka kiciam hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. Kote tungah nang na heh a, ahi zongin kote ka khial lai veve uh hi. Tanglai pek a kipanin ka mawh ngitnget uh hi. A tua bangpi mahin kote hong kihon ding ahi hiam?

Isaiah 65:18

Keima piansaksa sungah lungdamin kipakin om tawntung un. Bang hang hiam cih leh Jerusalem khuapi lungdamna khua-in bawlin, a mite a lungnuam dingin ka bawl hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek hi lo ding uh hi. Amaute ka kipahtawisak ding a, ka neusak kei ding hi.

Zekhariah 8:11

Ahi zongin tu-in a suaktalai hih minamte, nidang ate ka bangsak kei ding hi.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

JOB (Job) 11:16

Na lungkhamnate veng ding a, tuikhang pak bangin na phawk nawn kei ding hi.

Late 85:4

Kote hong honkhia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.

Late 86:17

Topa nangmah in kei hong huhin, nong thahatsakna hangin, kei hong mudahte in mu-in a zahhuai nadingun keima tungah na maipha hong lak in.

Isaiah 60:10

Gamdang mite in na kulhte ciangkik ding uh a, amau’ kumpite in nangma na hong sem ding uh hi. Bang hang hiam cih leh ka hehna tawh nang kong vatgawp khin a, ahih hangin tu-in keima maipha tawh nang tungah hehpihna kong nei khin hi.

Jeremiah 31:13

Tua ciangin nungakte lamin lungdam ding uh a, tangvalte le papite zong nuam ding uh hi. Amau’ kahnate lungdamna ka suaksak ding a, amaute hehpihin a dahnate uh kipahna ka suaksak ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik ding a, khuapikulh zong kiciangkik ding hi, Vanglian Topa in ci hi, ci-in gen in,” hong ci hi.