Isaiah 11:9 - Tedim Bible

⁹ Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Tedim Bible Revision 2017

⁹ Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thutheihna kidim ding hi.

Isaiah 11:9 Referans Kwoze

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Isaiah 52:10

Topa in minam khempeuh mai-ah a vangliatna siangtho zangin ama mite honkhia hi. Leitung mi khempeuh in i Pasian’ hotkhiatna mu ding uh hi.

Late 72:19

A minthang ama min in thupha ngah tawntung hen la, ama minthanna tawh leitung khempeuh kidim tahen. Amen! Amen!

JOB (Job) 5:23

Bang hang hiam cih leh na lo sungah suang om lo ding a, gamlak gamsate in hong su lo ding hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi. Tua lai-ah ganhing lauhuaite kimu lo ding hi. Topa’ hotkhiatsa mite in tua lampi tawnin hong ciah ding uh hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Isaiah 11:13

Efraim in hazatna lungsim a neihnate bei ding a, Judah mi a galbawlte kisusia ding hi. Efraim in Judah haza nawn lo ding a, Judah in zong Efraim galbawl lo ding hi.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Late 78:54

A khut taklam tawh ama ngahsa mual ahi, a gam siangtho-ah amaute a paipih hi.

Isaiah 11:8

Nawine naungek, gul gilo’ kua vangah kimawl ding a, nawine nawn lo naupang in gul gunei’ bu a sawk hangin a gul in tu lo ding hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Isaiah 65:25

Keivom le tuuno in an nekhawm ding uh a, humpinelkai in bawngtal bangin buhkung ne ding hi. Leivui pen gulpi’ an hita ding a, mite hong tu nawn lo ding hi. Keima mual siangtho tung tengah amaute kiliamsak lo ding uh a, kisusia lo ding uh hi, Topa in ci hi,” a ci hi.

Isaiah 66:18

Bang hang hiam cih leh amau’ nasepnate le amau’ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn-ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte, le late, kalaoh hatte tungah hong pua-in ka mual siangtho Jerusalem-ah hong paipih ding uh hi, Topa in ci hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cihin-ah, amaute in a neupen panin a lianpen dongin, a vekpi-un kei a hong thei ding uh hi. Bang hang hiam cih leh amau’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuamtakin gamta-in a lum thei ding uh hi.

Ezekiel 47:5

Tua ciangin pi tulkhat zaguk sawmgiat ciang mah tehsuk lai leuleu a, a tui thuklua ta ahih manin ka ngapzo kei hi. Thuklua ahih manin a tui i peek loh buangin a kikantan zo ding hi lo hi.

Daniel 11:45

Amah in a kumpi puanbuk lianpite biakinn dinna mualtung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.

Hosea 2:18

Tua ciangin, ka mite a suksiat loh nadingun gamlak a om gamsate, huih lak a leeng vasate le leitungah a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiatkhia ding hi. A lungmuang hithiatin ka mite ka omsak ding hi.

Joel 3:17

Tua ciangin Topa in, “Israel-te aw, ka mual siangtho Zion tungah a teng keimah pen Topa note’ Pasian ka hihna na hong thei ding uh hi. Jerusalem pen a siangtho biakna khuapi hi ding a, gamdang mite in zokik nawn lo ding uh hi.

Isaiah 32:16

Tua ciangin gam sung mun khempeuhah thutang om ding a, thu a manin kisem ding hi.

Jeremiah 31:23

Vanglian Topa, Israel mite’ Pasian in hong genin-ah: “Keimah in amaute a gam uhah ka omsakkik ciangin, Judah gam le a khuapite uhah amaute in, ‘Thuman thutak a tenna mual siangtho aw, Topa in thupha hong pia ta hen,’ ci-in a genkik leuleu ding uh hi.

Zekhariah 8:3

Ka khuapi siangtho Jerusalem-ah ciahkikin ka teng ding hi. A citak khuapi, ci-in minthang ding a, Vanglian Topa’ mual pen mual siangtho kici ding hi.